KIA Le Kawl Ralhrang Karlak Kahdoh Nak Cu A Fak Tuk Hringhran, A Zualhma Kho Tuk

Kawlin Peng Ah I Kahnak A Fak Ralhrang Mawtaw Pahnih Khangh Asi. Sagaing ramthen,Kawlin peng hmun pakhat ah KIA le KLPDF i fonh ralkap ralhrang rallokap cu tu zaanlei suimilam 5 ah i kahnak a chuak. Hi i kahnak ahhin ralhrang rallokap lei in an mawtaw pahnih a kang,kaphnih i kahnak a fak ngai ngai.

Fak ngai in khawnden asi mi hna ralhrang rallokap nih thazaang an chap nain KIA, KLPDF nih ral tei dingin an i zuam cuahmah ve. I kahnak ah kaphnih in hliammi le a thi mi zat cu fiang hlang in theih asi rih lo. July 2 zongah KIA, KLPDF ralkap hna le ralhrang rallokap hna cu Kawlin peng Titsaihkung ah fak ngai in an rak i kap bal cang.

thawngpang dang relchap : Pathian mi hman, Baibal lei ah mifim thiamsang kan ngeihmi Rev. Dr. Clifford Van Thang Nih A Kan Thih Tak Hi Cu Poi Tuk E

Pathian mi hman, Baibal lei ah mifim thiamsang kan ngeihmi Rev. Dr. Clifford Van Thang (Kum 73) cu July 4, zunglei 7:00 am ah a rian a tuanmi a Pathian sinah aa din cang. Amah hi Thantlang peng Vanzang khuami a si. A nupi cu Sayamah Tan Tan a si. Rangon ah a ummi an si. Fa an ngei lo.

Kan theih tawk ah Vanzang tlangah cun College a kai hmasa bikmi a si an ti. An nupa in Pathian ram caah an si khawh tawk rian a tuanmi le aa zuam pengmi an si. Bochan tlak upa pakhat kan sungh than cu a poi taktak ko. A thaisung siseh, a khuami le a unau chungkhat dihlak Pathian nih hnem ko hna seh! The Chin Post

Be the first to comment

Leave a Reply

Your email address will not be published.


*