KIA Pawl Nih Rallokap Pawl Cu An Kir Lei Ah An Rak Kah Hna

KIA Hriamtlai Phu Nih Ralhrang Ralkap 60 An Kir Lei Ah An Phomh Than Hna
================
Phakan Ah Ralhrang Phu Pawl Thlennak An Tuah I, An Kir Lei Ah KIA Hriamtlai Phu Nih An Kah Hna, tiah thawngpang theih a si. Phakant pengkulh chung umhmun an khuarmi KIA hriamtlai phu tatmaha 9 hmunram chungah June 15, 2021 ni suimilam 8:00 hrawngah ralhrang tapung sakhaan ah ralhrang thlennawnnak a um caah an rak kir lei ah ralhrang tapung phu cu KIA hriamtlai phu nih an kah hna, tiah thawngpang tha theih a si.

KIA hriamtlai phu nih an bawh hna i, an kahmi hna a si caah ralhrang lei phu tlawmpal cu an hliam hna lai, tiah zumh a si. Nihin ni tiang thawngpang theih ning ahcun ralhrang 3-4 tiang cu an thi ko lai, tiah ruah an si. Ramlak ah i kahmi a si tikah aho hmanh nih thil sining theih fiang khawh dih a si rih lo, tiah theih a si.

Ralhrang sakhaan pakhat thennawnnak an tuahmi cu an rak kir mi ralhrang ralkap 60 hrawng cu KIA hriamtlai phu nih lampi ah an bawh hna i, an kah hna hi a si. Kachin ramkulh chung hmunkip ah ralhrang tapung phu cu hriamnam, eidin tirawl le ralkap thazaang an chap pengmi hna cu KIA hriamtlai phu nih an kah peng hna caah an duhning in ralhrang phu nih rian an tuan kho lo, tiah thawngpang theih a si.

KIA hriamtlai phu cu tlangcung hriamtlai phu dihlak chungah ral a thawk hmasa bik le nihin ni tiang ral a doh pengmi an si, tiah thawngtheih a si. KNU hriamtlai phu tatmaha 5 hmunram chung lawngah kahdohnak tlawmpal a um i, atu tiangah zei kahdohnak hmanh a um than rih lo, tiah theih a si.

Be the first to comment

Leave a Reply

Your email address will not be published.


*