KNDF nih ralzaam hna sin ah minung hawi zawnruahnak rian an tuan

KNDF nih ralzaam hna sin ah minung hawi zawnruahnak rian an tuan
=============================
November 10| Kayah (Karenni) Ramkulh chung ralzaam camp hna ah KNDF B-02 ralkap nih minung hawi zawnruahnak rian an tuan, tiah theih a si. Ralzaam camp ah aa dor mi rammi hna sin ah ngandamnak lei zohkhenhnak rian, thazaang peknak biachim, lumsate le ngamhtlak tein i hawikomhnak tibantuk le thinlung le thluak lei thawnternak tibantuk tete an tuahpi hna tiah theih a si. The Hakha Times

thawngpang dang relchap : Breaking News : Vawleicung i Mi TTihnung Bik Timi Pa le Iran Pa Lianpi (Hulk) An i Thua Taktak Cang Lai

Kum 39 upa mi Martyn Ford cu vawleicung ah mi ttihnung bik tiah timi a si i a mah hi kum tampi chung MMA training a petu a si fawn. Iranian Hulk timi tlangval kum 29 mi Sajad Gharibi he an i thua lai tiah vawleipi theih in Media nih thawngthanhnak a tuah cang. An i thuat ding caan belte a rau deuh rih lai i a ra laimi 2022,April 2, ah UK khuapi ah an i thua te lai . An puai zoh dingin mi tampi an i tim i an i ngeih tuk cio caah a tu te in ticket zong an zuar cang i tam taktak an zuar khawh cang tiah theih a si .

An pahnih in milar taktak an si veve i Goliath Vs Goliath an i thua lai tiah Media kip nih a phuan .Iranian Hulk hi instagram ah followers minung 580,000 a ngei i Ford nih cun 3.1 million a ngei ti a si .Ford hi kum tampi chung MMA fighters pawl training a pe lengmangtu a si nain amah hi a ho he hmanh ai thua bal lomi a si ve.

Nikum ah khan Ford nih cun UFC President sin ah ” UFC ah hin super heavyweight pawl zong i thuat ve ding a si. Mi fa tete lawng an i thuat mi zohpeng cu a ka simh tuk cang” tiah ca a kuat .Atu ah cun a tak bak in Iranian Hulk he an i thua ve taktak cang lai. Martyn Ford hi 6th 8 inches a sang i Sajad Charibi hi 6th 2 inches a sang ve. Ford hi a sang deuh nain kum lei ah cun Sajad hi a no deuh tuk i kum 10 in an i thlau .

Be the first to comment

Leave a Reply

Your email address will not be published.


*