KNLA phu sniper kut in ramri hngak (BGF) lei minung pakhat khen in a nunnak a liam , a dang minung pakhat hliam a tuar

KNU le BGF Phapun ah kah doh nak a chuak, BGF lei in minung pakhat sniper kah nak in a nunnak a liam..
===========================
Kayin ramkulh Mutaw ramthen( Phapun) ah Kayin ralkap si mi(KNU/KNA) le ralhrang rallokap kut tang ah riantuan mi ramri hngak (BGF ) phu hña cu ni zan ,zaan lei ah kah doh nak a chuak , cu kah doh nak ah cun BGF lei bawi pakhat a nunnak a liam tiah theih a si.

May 24 , ni zan zaan lei ah Phapun- Kataitih lam hmunkhat ah KNLA brigade 5 le ramri hngak phu BGF hña cu suimilam cheu hrawng an i kap tiah theih a si. Cu kah doh nak ah cun KNLA phu sniper kut in ramri hngak (BGF) lei minung pakhat khen in a nunnak a liam , cun a dang minung pakhat hliam a tuar tiah theih a si. #Khit Thit Media, Rf: The Chin Post

thawngpang dang : American rammi Editor pa cu rallokap nih an tlaih .
==========================================

Frontier Myanmar magazine editor si mi Danny Debater cu Malaysia ram Kuala Lumpur ah kal ding vanlawng cung a Kai hlan deuh te ah , nikhat ni zing lei ah Yangon international airport ah tlaih a tong tiah magazine nih an thawng thanh nak ah an chuah.Cu pa cu Yangon Insein thong ah an kal pi tiah theih a si.

Cu editor pa cu zei ruang ah dah tlaih khih a si tiah theih khawh a si lo leng ah , an tlaih hnu ah a ho hmanh nih peh tlaih khawh a si lo tiah a chim.Tlaihkhih a ton nak kong ah thin phan nak kong le a ran nak in tlaih piak than ding ah an nawl.Frontier Myanmar magazine ai in a herh mi poh tuah piak ding in le , harnak a ton sual nak hnga lo a hlei in a tuah piak nak kong cu twitter ah cathanh an langh ter.

Kawlram chung ah kumkhat chung rian tuan mi , American miphun simi Fenster ( kum 37 )cu a chung khar he ton ah a rat lio caan ah tlaihkhih a ton hi a si tiah Frontier magazine editor an lu bik a si mi Thomas Kean nih a chim.

American Foreign office lei bia chim nak nawl ngei tu zong nih , American rammi a si mi, kawlram ah tlaihkhih a tong ti a theih nak kong le , ram dang ah a um mi American ram mi hña Kong he peh tlai in American Foreign office nih tha ten le bia tak ten ruah an si ban tuk in , kawlram ah tlaih khih a tong mi pa kong zong ah thil si ning kan zoh ko tiah a chim.

Kawlram chung a luancia mi ah tlaihkhih a tong mi Japan thawngla tu Yuki Kitazumi zong a luan cia mi zerh chung ah khan an thlah hlan chung tiang Insein thong ah an um ter.

March thla lio zong ah lam zawh lio thawng lak lio ah tlaih khih a tong mi Polan thawngla tu Robert Bociaga zong zerh hnih chung thlaih a tong ve .

Kawlram chung ah media rian pehtlai in tuan nak nawl ngaih nak ding ah , kawlram rallokap nih laisen chuh atong mi media 8 an um, tlaihkhih a tong mi thawngla tu minung 84 nak tlawm lo an um, a tu tiang thlah a si rih lo mi hi minung 48 nak tlawm lo an um tiah may 24 ni ah an langh ter.

Be the first to comment

Leave a Reply

Your email address will not be published.


*