KNU 5th Brigade Lutlai Nih Tlangcung Hriamtlai Phu Tampi Cu Kawl Ralkap Kahdoh An Tim Lo

KNU 5th Brigade Lutlai Pado Mahn Mahn he biaruahnak kan ngei mi chung in a biachim mi cheukhat nih khua a ka ruah ter ngai mi: Tlangcung hriamtlai phu cheukhat pawl khi ralkap uknak hi a hram in bongh in tuk hi an rak i tim hrim lo. Tulio Gen-Z bantuk in ralkap uknak a hram in bongh i doh a duh mi phu paoh he cun rian kan tuan tti kho ko.

Ni hin dirhmun tiang hmanh ah NCA ning in kal ti ding in bia a chim rih mi hriamtlai phucheukhat lutlai hna hi cu revolution zong a tuak tan ti lem lo mi – mah pumpak miaknak le hnangamnak deuh lawng a tuah mi an si ko.

CRPH le NUG zong hi NLD thladem tang le NLD rim le hang keng in an kal peng ahcun a fawi hrim hrim lai lo. KNU an lutlai pa (lukong pa) ca chuah mi kha KNU a tam uh nih cun kan i hrawm lo. MAH nih a zal ah a rak senh chih mi si dawh ngai a si a ti huar. September le November thla cun ram pumpi mei elh dawh a si ko ruah hi.Kan tei hrim hna lai. A rauh ti lai loh ti hi voi hnih bak a nawlh. Credit:Sang Hre

thawngdang : R.I.P : SNA Vice Chief of Staff kha Ralhangbu nih an Thah mi a si

Shanni National Army VCS, General Satt Khun Kyaw kha ralhrangbu nih an thah mi a si tiah SNA chimhnak nawlngeitu Col. Sei Saing Thun nih a phuang. Col. Sei Saing Thun nih “Pumpak i huatnak a ngeihmi zong pakhat hmanh a um lo, kan ral pawl an si ko. Rallokap nih an tuah mi a si. Timh riangmangin an tuah mi a si” tiah a chimh.

May 26 ah a cang mi thil a si, 27 zinglei suimilam 9 ah a thi. A mah vengtu hna an kah hnuah an kah mi a si, a thi mi cu pakhat lawng a si. A vengtu hruaitu pakhat hma a pu ve. A thattu pa cu kan tlaih cang. A thattu pa he a pehtlaihmi minung hna cu kan hlathlai dih hnuah Gen. Satt Khun Kyaw ruak cu SNA luatnak hmun pakhat ah budhist phung ningin vui a si lai tiah a ti.

Gen. Satt Khun Kyaw hi Kachin ram Moegyin peng Mawhan khuachuak Shanni miphun pakhat a si i Yebaw Tan Chawng @ U Myint Soe tiin mi tampi nih theih mi a si. Gen. Satt Khun Kyaw hi ABSDF ah Vice Chairman le ralkap lutlai a rak tuan bal mi le RCSS/SSA ah Colonel rankin central committee chungtel zong a rak tuan bal mi a si. 2006 January thla ah SNA dirh dingin Kawlram chak lei an kai lio ah Namkhan peng Namti khuapawngah ralhrangbu nih an tlaih i Teidan voi 4 tiang an rak pek a si.

2018 kum U Win Myint cozah tangah ngaihtiamnak he thongin chuah a si hnuah SNA a kir than i VCS rian atuan lio mi a si. Shanni National Army (SNA) hi 1989 kum ah miphun i tluktlannak, Mahte khuakhang lairelnak le Shanni pine dirh ding timi tinhmi pathum he dirh mi a si.

SNA hi Shanni miphun tam deuh an umnak hmun Kachin ram Phakanh, Intawkyi le Sakaing ramkulh Homalin, Pinlebu, Banmauk, Khanti, Phawngpin le Tamu hrongah an colcang mi an si. Ref; irrawaddy. Credit : thechinpost

Be the first to comment

Leave a Reply

Your email address will not be published.


*