KNU Nih Ralhraang 20 Leng An Thah Hna

KNU Nih Ralhraang 20 Leng An Thah Hna

Nizan August ni 21, kum 2021 zing suimilam 6:00AM le 7:00AM kar ah khan Karen ramkulh, Hla-pon Kamah Maung timi motor lampi cung in Taung Tunglung le Htei-ti-oo timi kar ah Min Aung Hlaing ralhraang pawl le Karen National Liberation Army (KNLA) hna kar ah kah dohnak voi 2 bak a chuak.

KNU/KNLA nih hin ralhraang pawl cu mine bomb in an tthuat hna ruangah ralhraang lei in 20 leng an thi, hliamhma pumi zong an tam ngai ngai, hliamhma pum ralhraang pawl cu Kamaung lei ah mizaw le mithi phurhnak motor in an kal pi thluahmah hna tiah KNU lei nih thawngthanhnak an tuahmi in theih a si.

KNU Muhdtraw ditrict chungah Bridage-5 cawlcanghnak hmun ah a rak lutmi Min Aung Hlaing ralhraang pawl nih hin sualnak nei lo khuami hna tliahnak, hremnak le khua chungah bomb in an kah chih.

August ni 20 zing suimilam 1:00AM ah khan Min Aung Hlaing ralhraang pawl Thuphu Pade timi khua in khuami pathum an tlaih hna, tlaih a tongmi hna cu Naw Khin Moe (kum 42), Naw Mya Moe (kum 65) le Naw Ye Shwin (kum 50) hna an si.

Cun August ni 20 zing suimilam 10:09AM zongah Hpa-pon khua, sang number-3 ah Min Aung Hlaing ralhraang pawl nih bomb voi tampi an kah ruangah minung umnak inn pa 4 a rawk, a rawkmi inn nei tu hi Saw Pha Nya Htaw, Naw Dar, U Chit Myaing le U Shwe Maung hna an si.

The Chin Now

Be the first to comment

Leave a Reply

Your email address will not be published.


*