Kyautmae Khua Ralzam Pahnih Bomb An I Lamh

Kyautmae Khua Ralzam Pahnih Bomb An I Lamh

Shan(north) ,Kyautmae peng NaungSin khua, August 13 zanlei sml 2 hrawng ah ralzam pahnih bomb(mine) aan i lamh sual caah pakhat fak ngai in ai hliam tiah kan theih. Bomb ai lamh sual mi hna cu Kyautmae peng, Panlin khua a phan mi ralzam an si, Patlung(paa) an hrawn pah ah bomb an i lamh sual, pakhat fak ngaiin ai hliam tiah khuami pakhat nih a chim.

“Paa an hrawn pah ah si, hngakchia pali zong an i tel, hngakchia cu an i hliam lo, upa pahnih cu an i hliam” tiah khuami pakhat nih a chim. Cu hmun ah, Shan hriam tlai bu (RCSS/SSA) le TNLA hna August 14 ah kahdohnak a um tiah kan theih.

Mah kahdohnak ruang ah khua luh/chuah nak an kham, Kyautmae khua zong Covid zawtnak ai chonh mi an karh chin lengmang nain thlop nak a har ngai tiah khuami pakhat nih a chim.

“Kahdoh thawng zong kan theih peng rih, khua luh nak zong an kham, khua chung zong zawtnak a karh ngai caah bomb ai lamh mi pahnih hi thlop ding an har ngai” tiah mizaw bawmtu pakhat nih a chim.

Bomb lamh ruang ai hliam mi pahnih hna cu, PanMa khua mi an si i, a luan cia thlanga in kahdoh nak ruang ah ralzam mi an si, lakphak hnah kawl in pawcawn nak a tuah mi an si tiah khuami sin in kan theih. Khuami hna pawcawm nak caah an um kal deuh nak hmun ah bomb tarh lo ding zong in an nawl hna.

“Zei ban tuk hriamtlai phu hmanh nih,khuami um kal deuh nak hmun ah bomb(mine) chiah piak lo ding in kan in nawl hna,mah ruang ah khuami harnak kan tong ngai” tiah khuami nih a chim.

A luan cia July thla chung ah Panlin khua ah, kum 25 simi khuami pakhat a puah hnawh caah a ke pahnih le a țaang ah ai hliam, a tu tiang lam kal kho lo in a um tiah kan theih.

Shan(north) Kyautmae khua ah hriamtlai phu,RCSS/SSA le SSPP/SSA,TNLA hna kah dohnak ruang ah khuami 200 renglo an zam i, eidin zong bawmh an herh ngai rih tiah kan theih.

Ref:ShanNews
===

Thawngdang
NLD Cozah Mandalay Ramthen Minister Dr. Zaw Myint Maung Thong Chung Ah Ngandam Lo Ngai A Um

NLD party vice president, Mandalay ramthen minister Dr. Zaw Myint Maung cu Mandalay UBo thong chung ah Covid zawtnak ai chonh caah, ngandam lo ngai in a um tiah a chungkhar sin in kan theih.

Ralhrang tlaih a tong mi Dr. Zaw Myint Maung cu thong chung ah Covid zawtnak a ngeih hnu zarhhnih a zawt hnu lawng ah Mandalay sizung ah an kal pi i thlop an ngah ter tiah kan theih.

Dr. Zaw Myint Maug hi Cancer zawtnak ngei mi si, ralhrang nih February 1 in an tlaih, upadi pohma 505 in taza an cuai i thong an thlak mi a si.

Ref:Ayeyarwaddy Times
====

Thawngdang
Yangon Ramthen, Hmun Tampi Ah Bomb Puak, Mingalardon Ohchozihmu Meithal Kah A Tong

Yangon ramthen, Shwepyithar,South-Okkalarpa, North-Okkalarpa hna ah August 14 ah bomb puak, Mingalardon khua sang Ohchozihmu cu min theih lo nih meithal kah a tong tiah khuami sin in kan theih.

Shwepyithar ah chun sml 2 hrawng ah bomb voikhat a puak, South- Okkalarpa ah voihnih a puak, ai hliam mi an um lo tiah khuami sin in kan theih.

Mingalardon zong ah, sang lutlai hna ton biaruah nak an ngeih lio chun sml 1 hrawng ah meithal kah an ton caah sang upa pathum an i hliam.

Ref: Khit Thit Media
====

Thawngdang
Alone Station Pawng Tlanglawng Palek 6 Kah An Tong

Tlanglawng palek phu, a donghnak tlanglawng an zulh lio, Alone le Panhlaing kar ah meithal kah an tong, minung pali an thi.

“Alone station in an chuah zanlei sml 5 hrawng ah kah an ton hi si, minung paruk an si, pali an khen hna, HoneLam station phak hnu lawng ah an theih, meithal zong an lak, palek nih an kawl hna i a dang cu kan thei lo ” tiah khualtlawng vemi pakhat nih a chim.

Meithal kah nak ah Win Zaw Lat, Ye Min Htun, Phyo Mg Mg le Htin Lyn Aung hna pali an thi i meithal pali zong an i kal pi tiah kan theih.

Meithal hma a pu mi Myint Htay, Kyaw Zin hna pahnih cu siizung ah an kal pi hna tiah kan theih.Palik meithal in a rak kaptu pahnih an thi i paruk an tlaih hna tiah thawngpang a um nain an hlat cuahmah lio a si.

Ref:MizzimaNews
====

Thawngdang
NUG Cozah- PDF(Southern Lei Sakhaan) Caah Thai AAC Nih Mawtaw An Hlut

NUG le PDF(southern lei sakhaan) caah Thailand ram AAC nih mawtaw an hlut nak cu AAC phu in U Ye Min nih a chim.

NUG cozah, PDF sakhaan ah eidin le thilri damhkhan nak caah hman ding in AAC phu hruai nak in Thailand ram um Myanmar mipi hna fonh in an hlut mi a si, Eidin le thilri damh nak ding caah tiin riantlaitu U Ye Min sin in, sakhaan ah an hlut tiah kan theih.

Mawtaw cu Thailand tangka in 490000 baht (Myanmar tangka in sing 250 kyats) man a si tiah kan theih.

Ref:KhitThitMedia
===

Thawngdang
Mindat In Khaan 14 A Hlatnak Ah Ralhrang Le CDF-Mindat Kahdohnak Chuak
================ =

Chin ramkulh Mindat khua in Matupi kalnak lam khaan 14 a hlatnak hmun ah Ralhrang hna le ahmun ummi CDF-Mindat cu August-14 ni zaanlei sml 4:00 Pm hrawngah an i kaap i ralhrang lei in minung pahnih an thi i minung pali cu faak ngai in an i hliamkhawng tiah CDF-Mindat nih a thanh.

Atu bantuk kahdohnak ah hin CDF-Mindat lei in ai hliamkhawng mi an umlo. Ralhrang lei nihcun hriamngan zong an hman tiah thawng kan theih.

Khit Thit Media
The Chin Post

Be the first to comment

Leave a Reply

Your email address will not be published.


*