Laiholh Hin Tlamtling Tein Rak Ngai : Kaya Ram Ralzaam Ting 1 An Tling Cang, Mindat I Thongtla Pawl Cu Rawl An Pe Duh Hna Lo (+ Video)

Khah Nizaan thawngpang Laiholh tein thanh mi hi a tlam a tling khun, fiang tein kan nu le kan pa le nih ngeih khawh cio van i zuam hna usih. “June 9 (Thuthang):Kaya ramah raltlan Ting 1 an um zo…Mindat ih thawngtla pawl cu Rawl lo ih an ret nak ni 2 kim zo…👇👇”The Chin Family

A tanglei ah a Video kan van thil chih.

thawngpang dang relchap : Chin Ralkap CNF/A Dirhmun Cu Mah Ti Hin A Si Cang (+Thawngpang Thar)

CNF/A Kan Ralkap Hna Cu Ralhrang Nih An Kulh Cang Ko Hna Ti Khawh A Si: Nizan ralkap kong kan chim cio mi i dan ngai dawh a si. Zika ah Thantlang in khualhring tlang lei a kalmi hi 30/50 hrawng an si. Zanlei ah Halkha in Thantlang a phanmi hi 120 hrawng an si. CNF tuaitam i timh dawh in keimah pumpak in cun ka ruah ko hih! Kiar nak lam um tilo in tuah kho hna usih law a tha ngai hnga nain an zual chinchin lai tu cu a fiang.

Halkha in Thantlang lei a kalmi hi ralkap mawtaw an hmang lo. Ke in a hmai a kalmi 63 hrawng an si i an hnu killometres 2 hrawng hlat in 60 hrawng nih ke kal a cheu mawtaw(ralkap mawtaw a silo) zul a cheu nih an zulh hna. An zapi 120 hrawng in ka ruah. Thantlang an cam le khoi ka an kal thawng ka thei rih lo. 120 hrawng ka timi kha a tu hi an dihlak in an ke in an kal i ka rel hna ah 102 le motor cycle in 2 an si. Sopum lei ah an kal. Mekpi (launcher) pakhat lawng ka hmuh. Tantaawk (bantumpaw) cu pahnih nih an phorh. 40mm launcher pahnih ka hmuh. Atu 9am ah Lahva an phak ka hrawng a si lai. Rih lei ah 50 hrawng ke in an kal an ti bantuk zong thawng theih a si. KIA lei a kir ding bawh dawh an si. Khua hringtlang, HmunThar ah an khat timi zong an um ve thiamthiam.

Ralhrang nih an kulh cang ko hna ti khawh a si. Chipcang le Hnahthial ah ralkap an um cang. Khualhringtlang ah an um. Tuzing ah Zahnak tlang lei ah 100 an kal than ti a si. An kulh dih cang hna. Khawika hmanh ah chuahnak an ngei ti lo. CNA cu an thazaang an theih hna, tiah cheukhat nih an zumh. Ralkap thazaang an kuat chapmi hna dirhmun zoh ah a nam khawhmi hna zong a si. Si lo ah chuak kho lo in erh khumh timh cu a si ko.

NUG he hnatlaknak minsen thutnak an tuah cang tikah ralhrang lei nih phundang pi ah an ruah hna ca zongah a si kho mi a si. NCA hnatlaknak in a chuah a si ahcun, Min Aung Hlaing ralhrang he cun a ral mi an si cang caah, CNF/A he a rau ti lai lo, a ni kap cang ko lai. Atu zong an vun luhhnawh hna lo le, vanlawng in an kah hna lai, a tlizam mi kah ding in, an bawh cia hna zong a si kho.Kan U CNF/A hriamtlai phu le timhcia tein an rak um ve ko lai kan zumh. Kan biak Pathian nih huppheng hram ko hna seh. Kan hmun le kan ram cia cungah cun an kan tei lai lo. Chinram chungah zei bantuk hriamtlai phu hmanh nih nawlngei ti hna hlah seh. Source: Cheery Par Credit: Chinthinkers

Be the first to comment

Leave a Reply

Your email address will not be published.


*