Laiholh Tein Kan Ram Ah Thil Cangmi Thawngthanhnak A Tuah Mi Hi Rak Ngai Ve (+Video)

Khah Laiholh tein thawngthanh mi hi ngeih khawh cio van i zuam hna usih. Ca ttial mi lawng in cun thawng hi a dik maw dik lo maw, tiah a buai ngai mi zong kan um tawn cu caah The Chin Family facebook Page nih thawng nifatin tein a phuan tawn Laiholh tein a phuan caah a fiang khun tuk, Mipi zong nih ngeih khawh cio rak i zuam hna usih. “1 june ( Zing ) Thuthang: Ralkap Cun Mipi Do dingah Vanzam an Hmang thok..Kalaymyo ah Doaw Thok…👇👇👇

thawngpang dang relchap : May Thla Chung Ah SAC Ralhrang An Thah Mi Hna Hi An Rak Tam Taktak Hi Teh

May 1-31 tiang ah Myanmar ramchung ah hmun kip ah SAC ralhrang le an hnuzul pawl minung 577 an thi, tiah BAP nih cazin a lakmi a langhter. Ralzam ah a thimi SAC ralkap pawl lawng si loin SAC ralhrang hnuzul khua/sang uktu le dalan pawl zong an relh chih hna.

May thla chung lawng ah 577 an thi i, a dang minung 378 hi hliamhma an pu hna. Ni khat ah minung 18 rate in an thi. Cun, May thla chung ah peng kip le khua kip ah a cangmi mipi rungvengtu ralkap bu, tlangcungmi hriamtlaitu hna le SAC ralhrang karlak kahdohnak voi 289 a chuak.

Abikin, Kachin, Kaya, Kayin, Chin, Shan, Magwe ramtthen le Sagaing ramtthen pawl ah kahdohnak a tam i, cuka hmun pawl ah cun SAC ralhrang a thimi an tam hna. Cun, Yangon tibantuk Kawlrawn chung khuapi pawl ah uknak lei zung le dalan inn bomb puah a tam i, thah a tongmi khua uktu/sang uktu le dalan pawl an um len.

A cunglei May thla chung SAC ralhrang a thimi le hliam a pumi cazin hi Myanmar ramchung zumhtlak Media pawl nih an tarmi Data pawl cherhchan in BAP nih a lakmi a si. Nizaan May 31 i, Kayin ramkulh, Demoso peng, Kungtha khua kahdohnak lawng ah SAC ralhrang 80 hrawng an thi.

Atu bantuk in SAC ralhrang lei a thimi an tam tuk nain SAC thawngzamhnak Myanmar Alin le Kye Mon tibantuk ah a thimi milu fiang in langhter a um ballo. chinjournal

Be the first to comment

Leave a Reply

Your email address will not be published.


*