Laitlang ah Ralhrang an luh pengnak LAM Cu Mah Hi Ka Lam Hin A Si

Laitlang ah Ralhrang an luh pengnak LAM?
=============
Chin ram cu vanchiat lei vanthat tiah khualtlawn lamlen a harnak hmun a si. Tlanglawng Tilawng a phan kho lo. Vanlong zong kan hmang kho lo. Motor lawng in luh khawh a si. Luhchuah a harnak ram a si caah atu lio ram chung raldohnak zongah ralhrang nih an tih bikmi kan si. A ruang cu duh poh in an lut chuak kho lo. Lam a tam lo. Chin ram khuapi Hakha an luh khawhnak ding ah lam 3 lawng um. Cu hna cu,? 1. Gangaw Hakha lam. 2. Kalay Falam lam. 3. Matupi Hakha lam an si.

Ruah awk a herhmi tu cu mah Lam 3 lak ah Gangaw Hakha le Matupi Hakha lam hi tha tein aa veng kho. Nain Hakha Thantlang ralhrang an phanh len ko nak le Chin ralkap CNA sakhan lei ah ralhrang an phanh len ko nak hi Kalay Falam lam lei in a si.

Hi nih hin khua tampi a ka ruah ter. Atu tiang ah Gangaw le Hakha lam Pyitaungsuh Lampi cu tha tein —- nih an ven khawh. Ralhrang nih an tih tuk an zul ngam lo nihin tiang. Mah tluk Lam tha an zul ngam nemnam lo. Nai an kahmi hna zong kha Gangaw lei kaimi an si lo. Laitlang phan cia a vakmi an si.

Kawl lei in a rak kaimi ralhrang pawl zong Gangaw in Hakha kai colh loin Kalay lei ah an kal i Falam in Hakha lei tu ah an lut. An vel. A ruang ka hngal lo. Lai phungthluk ah ” thihnak lam tawi nunnak lamsau” timi kha ralhrang pawl nih an theih ve rua. Thil zeimaw um sehlaw ka lawh ter pah.

A zeipoh si ah Laimi nih ralhrang hi ke raldohnak cun kan tei hrimhrim ko hna lai. A mah belte ruah deuh kan hauh mi cu khat lei ah fek thup an kham lio ah khat lei in an luh peng mi hi a poi ngai ka ti. Zeiruang ah dah Falam lei in an luh peng hnga tihi ruah awk um. An kah ngam hna lo zong si kho. Minung le hriamnam thazaang aa dan tuk ruang zong si kho. A ruang um hrimhrim lai. Mah hi kawl i phisin zawk ding.

Cucaah Ralhrang hi tei kan duh ko. Tei ruah ah ral kan doh ko cun kan hmuh hna nak hmun poh ah hriamnam tlaimi nih cun kah ding si ko. Kah caan ah kan kah hna lo i kan caan tha kan tlawh sual cun anmah caan a phan te lai i kan cei ngai te lai. Thil kal ning ruah deuh kan hau ko rua tiah ka ruah. Credit: Tluang Ceu Thang

thawngpang dang : Vawleicung Bolung Chuihthiam Minthang “Maradona” Thihnak Kong ah Buiafiang Theih A Si Cang

Vawlei cung i Football minthang Diego Maradona cu 2020 November thla ah khan lungthat lo ruangah a thi i a thih ruangah hin Argentina ramchung pinah vawlei cung Footballer hna nih cun an sian lonak cu an chim len hna. Kum 60 a tlinnak ah hin thla 1 te lawng ai duh.

Maradona cu a thluak ah thisen a luh caah Surgery tuah piak a si i ni rau lo hnuah a thi ti theih a si. Footballer minthang tukmi a thinak ah hin thil hlat deuhmi le mithiam deuhmi pawl nih cun a thihnak ah hin bia tam ngai an chim i a caah a herh ningin le a duh ningin thil an tuah piak lo caah a si ko lai tiah chim ceihmi a tam len tiah theih a si.

A thihnak ah hin a lawyer pinah a chungkhar pawl zong cu an i lungsak kho bak lo i investigation kal pi colh a si i Maradona zohkhenhtu nurse cu biahal a si khawh bakin minung 7 cu tleih colh an si tiah theih a si. Madrid lawyer Rodolfo nih cun amah a zohkhenh tu Doctor pa nih cun a ngeihthat tuk ruangah a that tiin a chim i hi kong hi june 16 ah khan Reporter te hmai ah a chim i Diego cu an thahmi a si tiin a chim.

Maradona nih hin thin’ lung le kal lei that lonak a ngei ti theih a si i kan hnu thla dih cangmi ah khin medical expert panel 20 hrawng nih cun Argentina police prosecutor thithruainak tangah thil cangmi cu an hlat colh i Maradona ai zohnak cu a mumal lo tuk tiin an chim i a medical team te nih cun a damnak ding caan tha cu vanchiatnak ah ai chuah ko tiah thawngpang zong an thlah.

Be the first to comment

Leave a Reply

Your email address will not be published.


*