Laitlang Hmunkip Ah Ralkap An Fak Cang, An Tam Ngai Ngai Cang Ralring Tein

Laitlang khua hmunkip nawn ah ralkap an vaak, hmunhma lak cia bantuk in an um cang. Kan hnu zarh dongh ah Kalaymyo in a rak kai mi ralkap 200 leng zong an umnak fiangfai in theih a si lo. Falam an lonh hnu in, Ke in hmun dangdang cio ah an kal hna ti a si.

Cun nizaan le tihni zong ah a pehpeh in Laitlang, Thantlang lei ah Helicopter an rak zuang, Matupi lei zong in Helicopter in an rak zuang ti asi.

Nihin zong ah Ramthlo khua ah ralhrang rallokap 100 hrawng an phan than. Ramthlo khua ah ralhrang rallokap mawtaw panga le ke in minung 100 hrawng nihin suimilam 11:40AM hrawngah an phan tiah theih asi. Khoi ka lei ah an kal lai fianghlang in theih asi lo.

Ralkap pawl hi, Hakha pawng, Thantlang peng chung hrawng ah ke in kal hna sehlaw, hmunhma khuar cang hna sehlaw a dawh, atu tiang ah Laitlang lei ah ralkap a rak kai mi an tlawm ti lo, a si nain an umnak sat theih loin an vakvai dih. Khuachung ah a lut mi hi cu a tlawm deuh tete an si hna i a tamtuk cu khuachung zong ah hmuh an si lo tiah Laitlang lei in thawngpang kan theih. Ralring tein um thiam a biapi ngai ngai tiah forhfialnak an kan tar ter mi asi. Vom

Be the first to comment

Leave a Reply

Your email address will not be published.


*