Loh Tlau : Honeymoon An Hman Zaan Ah Nupa Sinak a Hmanpi Mipa Cu A Pasal A Rak Si Naisai Loh (Nu Pawl nih Rel Bak Ding)

Vietnam pa tleirawl kum 18 mi Chan San ti mi pa te nih cun Nuva ai um thar mi Honeymoon a chuak mi hna cu zan ah an room chung ah a va luh hnawh hna i a pasal bantuk in ai um ter i Monu cu a it pi . Chan San nih hin hi nu hi a rak duh tuk peng mi a si i phaisa chaw va a ngeih ve lo caah duhnak bia a rak chim ngam bal lo ti a si .

A duh tuk mi nu nih pasal a van ngeih taktak ah cun zeikhua hmanh ruat kho ti lo in hi thil hi a tuah nak a si . Hi zan ah hin Monu hi ru a ri tuk ve i cucu can tha ah lak in a it pi nak a si .an room chung hi mei an hmih dih caah monu zong nih a pasal ah a rak rel ve . A poinak cu a it pi khawh ah chuak colh lo in monu pawng te ah cun a it ve i ai hngilh sual . zinglei khua a ceu i monu a van i thangh tik ah cun a pawng a zoh i Chan San a hmuh cun a lau tuk i a au i an tleih colh nak a si .

Hi zan ah hin Mopa hi zei dah a tuah khawika ah dah a um ti mi hi thawng kan lak nak ah hin a langhter chih lo. Mopa chung le hi an thinhung tuk i an monu zong cu an then colh hlei ah phaisa tam ngai an cawiter chap ti hnu ah Chan San zong kum 10 chung thong thlak dingin bia an khiah piak ve ti a si.

Mi nupa karlak a hrawh dih i a then ter hna lawng si lo in monu a nun vialte cu a hrawh dih cikcek ti khawh a si .Hi bantuk hi dawt nak taktak cu a si maw ? dawtnak taktak cu a dawtmi caah thil tha lo cu a duh piak lo i a dawtmi ai lomhnak ding a si ah cun zei poah a tuar piak khawh ti a si kha . nangteh zei tin dah na hmuh ning a si ve ?Ref : Dailyhotnews

Be the first to comment

Leave a Reply

Your email address will not be published.


*