Lung A Fak Kho Tuk E, Surkhua Mipi Khawihen Nan Si Dih Ne

Surkhua Mi an Zaam Dih hna, Tar Lawng Khua ah an Taang
————–
Hakha peng, Surkhua ah SAC ralhrang pawl an rak luh caah khuami an zaam dih i, a zaam kho lomi kum upa tar minung 20 in 30 karlak hrawng lawng khuachung an taang, tiah thawng kan theih. SAC ralhrang pawl Surkhua an phak hnu ah khuachung ah meithal an puah hnawh len hna caah khuami an um ngam ti lo i an zaam dih hi a si.

Minung pakhat nih, “SAC ralhrang pawl an rak phan i zaan ah khuacung ah voi tam ngaite meithal puah sawh in an puah len. Khuami pawl an um ngam ti lo caah an zaam dih hna. A zaam kho lomi tarnu tarpa pawl cu biaknak lei rianttuantu hna nih an zohkhenh hna,” tiah a chim.

SAC ralhrang an phak hnu ah Surkhua a zaamtakmi hi an zapi in 1,700 in 1,800 karlak hrawng an si lai, tiah a cunglei minung nih a chim chap. June 1-2 tiang SAC ralhrang pawl cu Surkhua meithat zung ah hmunhma an khuar nain June 4 ah cun Surkhua ah an um ti lo, tiah khuami pakhat nih a chim. Loklung khua in a zaammi hna zong atu tiang khua an hlam kho rih hna lo, tiah thawng kan theih. The Chin Journal

thawngpang dang relchap : Esther Dawt Chin Sung Nih Benjamin Sum Dam Lo Nak Ah Thinlung Kekkuai In A Tuar Pi Nak A Langhter

Myanmar Idol season 4 Runner-Up Benjamin Sum cu a umnak Mizoram ah Covid-19 zawtnak a neih ruang ah Doctor nih an zi khawh chung in tuhi an zohkhenh cuahmah lio pi a si tiah thawng kan theih. Cuti cun, June 2 ah khan ralzam pawl bomhnak va pe ding in an kal i an rak check-up nak ah Covid-19 zawtnak a nei ti mi an hmuh chuah cutin a rianran nak in inn lei ah a lawi i room dang te ah a mah te in a um.

Benjamin Sum cu mi a bawm zungzal tu mifel pakhat a si i, hlasak nak i a hmuh mi chawva pawl hi myanmar ralzam pawl caah bomhnak a va pek zungzal tawn hna. Myanmar Idol a ngahtu Esther Dawt Chin Sung nih cun ka tapa bantuk te i ka dawt tuk mi“Benjamin Sum Bawipa nih dam nak in pe hramgram ko seh mu tiah duhsaknak a hlan.

Cun, Esther nih a nu bantuk i a rak zoh mi Tracy Yinmin Tin i pasal a thih ruangah an chungkhar caah tuarpi nak cu a langh ter colh. Esthei nih “Ka duhdawtmi chungkhar caah hin Pathian sin i thlacam piak dah ti lo cu ti khawh mi dang zeihmanh ka nei loh. KaNu banbtuk i ka duhdawtmi Tracy Yinmin Tin le nan chungkhar zapi tein Pathian nih in umpi in in hnem hram ko hna seh. Uncle, RIP” tiin a facebook cahmai ah cun a langh ter.

Myanmar Idol season 4 Runner-Up Benjamin Sum cu a umnak Mizoram ah Covid-19 zawtnak a neih ruang ah Doctor nih an zi khawh chung in tuhi an zohkhenh cuahmah lio pi a si tiah thawng kan theih. Cuti cun, June 2 ah khan ralzam pawl bomhnak va pe ding in an kal i an rak check-up nak ah Covid-19 zawtnak a nei ti mi an hmuh chuah cutin a rianran nak in inn lei ah a lawi i room dang te ah a mah te in a um.

Benjamin Sum cu mi a bawm zungzal tu mifel pakhat a si i, hlasak nak i a hmuh mi chawva pawl hi myanmar ralzam pawl caah bomhnak a va pek zungzal tawn hna. Myanmar Idol a ngahtu Esther Dawt Chin Sung nih cun ka tapa bantuk te i ka dawt tuk mi“Benjamin Sum Bawipa nih dam nak in pe hramgram ko seh mu tiah duhsaknak a hlan.

Cun, Esther nih a nu bantuk i a rak zoh mi Tracy Yinmin Tin i pasal a thih ruangah an chungkhar caah tuarpi nak cu a langh ter colh. Esthei nih “Ka duhdawtmi chungkhar caah hin Pathian sin i thlacam piak dah ti lo cu ti khawh mi dang zeihmanh ka nei loh. KaNu banbtuk i ka duhdawtmi Tracy Yinmin Tin le nan chungkhar zapi tein Pathian nih in umpi in in hnem hram ko hna seh. Uncle, RIP” tiin a facebook cahmai ah cun a langh ter.

Be the first to comment

Leave a Reply

Your email address will not be published.


*