Lung adong mi hna Bawipa nih a hnemh hna. Kan nu le kan pa hna thlacam nak hi a lak an rak si lo.

He lehkha ziak tuhi Chin hmeichhia – Monica MKi ani.

MIN HRINGTU , KAN NU LEH PA TE TAWNGTAI NA HI, A THLAWN LO
=================
Lalpa Ropui na tan–

Christian chhungkua chu kan ni ngei mai.ka nu hi Pathian mitak niin a nun hi a hmang mawi hle ani. Chuti chungchuan kei erawh chuan, Ka thil duh leh awh zawngte dil in ka lo tawngtai maimai thin ani. Ka nu in ,Bible chhiar pahin, Ring ula, Pathian hnenah dil thin rawh u, chutichuan a pe ang cheu a tih thin kha belhchhan , Beisei na chu ka nei ve thin ani.Mahse, ka thil duh leh awh zawng te chu pek ka ni miah lo. Chuvang chuan, ka rilru a naain ka thin a rim hle ani. Chuvang chuan, ka beisei thin ka don loh avang chuan Pathian chu ka ring zo tawh lo ti ila ka sawi sual lo hle ang.

Mitha ka ni miah lo, ka sualin ka hmeichhia pui te chauh nilo, mipa te nen pawh kan in sual deuh reng ani. Misual tak ka ni.( Mipa duh tihvel lam ka ngaihtuah ngailova , Patil an tih thin ang khi ka lo ni ber in ka hria,marawhchu hmeichhia pawh ka kawp ngaichuanglo, keima awm in ka awm tawp. Zuk leh hmuam lam pawh , engmah ka khawih lo. ) Ka pi …ka nu , nu hian rethei ber nisi chapo in sual si , sim rawh tiin min lo hau ziah thin ani. Ka kum te a lo tam ta deuhdeuhva Pathian nen kan in kar chu in hla tak ani.

Mi rethei, chhungkua rethei tak kan nih avangin hna hi kan thawk nasa thei hle ani. Chuti chung pawh chuan, Kum khat chhung ei pawh kan seng thei ve ngai manglo . Mite hi ka lo awt lutuk a, ka rilru na lutuk chuan, chhungkua ah te buaina ka chawk chhuak ta fo thin ani. thih daih te ka chak rumrum thin.

Mahse , Ka nuin, a mittui tla zawihzawih chunga ka tan, Pathian hnena a dil thin kha chhan in a awm ni berin ka hria. A ni chiah chu ka hre tawhlo, June thla, 2005 kum ( Halkha khawpui a Leimin kha in lo hriat ka ring. Kha mi tum kha ania )khan , rin lo deuh vin, ka chaw ei lai chu ka tlu thal ta tawpa , chuta tang chuan, ni khaw hre lovin karkhat chhung tehmeuh mai ka awm ani. Ka lo harhchhuah chuan, Halkha Damdawi inah ka lo let renga. Ka taksa chhungah natna pakhat mah nei hek lo chu , thawh ka tuma mahse ka tho thei lo tlat mai ani. Ka kutzung tang takngial pawh ka tiche thei lo chu niin, An sawi engkim ka hrethei si, ka mit lah ka meng thei lo, ka che thei bawk silo. A va han hrehawm tak em!
Doctor chuan, min ngaihtuah emema, a mah hi Christian chu anilo, mahse an sakhua naah hian in pe mi tak hi ania, Doctor chuan, ka nu te hnenah chuan, engpawh nise in fanu hi naupang te ni mahse , a damchhuah hi kan ring zolo, chuvang chuan in Pathian kuta hlan bak tihtheih leh beisei a awm tawh lo ani, kei pawn theihtawp chhuahin ka lo taangtai pui ve dawn nia tiin a hrilh a. Chuthu asawi lai ka hriat meuh chuan, ka thla phang ta em ema , hlauhna chuan nasa takin min man beta tihtheih ka nei silo. Ka mittui chu a lo luangchhuak ta ruirui mai ani.chu ka mittui luang chu ka nuin a lo hmua, ring taka auvin, Doctor ka fanu hi a harh ania tiin Doctor chu a kova, Doctor te chu lo kalin min en tha leha chu ti chung pawh chuan , ka damchhuah leh chu an ring chuang lo.

Ka nu erawh chuan, Beiseina a lo nei reng thova, Ka beng bulah lo kuin, Nute Doctor te thiam na leh hriat na hi maw, Pathian pek vek an niasin, Mahse, nunna pe thei tu chu an ni lo, Nunna pe thei tu chu pathian chauh ani , kan nunna nei tu, min siam tu pawh hi Pathian tho ani..beidong lola Pathian aula, i nunna i neih let leh theih nan , Pathian hnenah dil rawh.hlau suh , dil rawh, Pathian au rawh, tunah, tiin tap chung in a rawn sawi ta mawlhmawlh a……, Chutah Beiseina ka nei thar lehta…Thih mai tur kha ka rap lutuk, ka hlau lutuk , chutah Ka rilru chuan, Pathian chu ka au ta ani…..Lalpa ka naupan lai tang i hnena ka dilthin kha pek ka ni ngailo, chuvangchuan, ka ring leh tawh ngailo chea, mahse tuna ka dinhmun lah heti hi ka ni tasi, thih ka la duh lo, ka la naupang lutuk, thih ka duh lo, I awm taktak anih chuan, Khawngaih takin min ti dam leh rawh, min ti dam a nih chuan, i hming hi ka lam kumkhua tawh ang, tiin ka ti ta a,,,chu ta tang engmah hre lovin ka awm leha, karh khat hnu ah ka rawn harh chhuak leh ta hlawl mai, Chutah zet chuan maw…..Ka tawng thei leh tawha, Ka kut ka tiche thei leh tawh, ka mit pawh ka meng thei leh tawh anih chu, Lalpan min tidam chu lo niin, Lalpa hming chu fakin awm zel rawhse…Amen!
Ka va han hlim tak em!

Kei misual, rilru chhia, duhamna akhat, ka mihring pui te pawh haw emem thin tu , sualna akhat hi , A nung Pathian chuan min lo ngaidam in min tidam leh anih chu, A va ropui tak em! Midang te ai mah in, kei hi Pathian hian min hmangaih bik a ni tih hi ka sawi lo theilo ani.( in lo hriatthiam ka ring ) A chhan chu e, kei hi, mi zawngzawng te aia, Tling lo leh sual ka ni a, khang ka sual na zawngzawng te , Ngaihdam ka nih hi a ropui bik hi ka ti emem ani , Rei lo tea ral leh mai tur, he khawvel sum leh pai, hausak na, ka lo duh emem thin te leh ka lo awh emem thin, Min pe tura ka lo dil thin zawngzawng te aia Ropui leh Hlu, Chatuan nunna mi lo pe daih anih chu… ( ka dil loh zawk malsawmna tih pawh in a tihtheih ve tho ang chu … Ka nuin mittui nen zantin ka luchunga kut chhuang a mittui nen min dil sakna kha chhan in a awm daih zuk nia ) ….Ka rilrua awm leh ka thinlung chhung rila hlimna hi , mite anga fing leh thu sawi thiam ka nih loh avangin ka sawichhuak thiam lo ani. ka chhung ril hi hlimna in a khat ani. Ka hlim emem ani..Lalpa, ropui ber rawhse..Amen,

A tawp bera tan..》》》》》 》》》》》》
Nu leh Pa ni tawh te hnena ka chah duh chu, In fa te tana mittui tla zawihzawih chunga in tawngtai na khan Rahtha a la rawn chhuah ngeingei ang . Khawvel thila, Ruih theih thil lam pawh nise, Tumah mawhpuh ngai suh ulang, Tumah dem hek suh ang cheu, In fate tan hian , Beidong loin , Pathian hnenah dil tluttlut reng mai rawh u, tunah Chhan letna hmu lo mah ula, eng tik niah emaw chuan , chhan letin in la awm ngeingei ang. Chak tak in awm ula, A mahah rinna nghat tawp mai ru aw ..
He ti hian ka duh tawk tawh mai ang e.

Pathian zahngaih na leh, Khawngaihna, Malsawmna chu, in zavaia chungah thleng zual zel rawhse.

Edit: Thuziak thiam mi ka nilova a chhiar tu te tan chhiar a harsa in hriatthiam pawh a har hle maithei ani. Chuvang chuan chhiar tuten min lo hriathiam hram dawnnia. Chhiar tu te, Lalpan hriatthiam theihna pe cheu rawhse.

Be the first to comment

Leave a Reply

Your email address will not be published.


*