Lunglaknak cimh ruang ah minung pakhat Nunnak A Liam

Lunglaknak cimh ruang ah minung pakhat Nunnak A Liam

 

Nizaan August 27 zanlei suimilam 2 le cheu hrawngah Mizoram, Khumtung le Muallungthu kar Khumtung khua in km. 1 le cheu hrawng a hlatnak ah lunglaknak (Quarry) cimh ruangah minung pakhat a nunnak a liam.

 

Lung cim ah a nunnak a liam mi hi MD Sadah (kum 27), Jharkand mi a si i, amah hi Kram Infracom Pvt. Ltd. company riantuan Hitachi (JCP) operator a si.

 

JCB operator hi lung nganpi nih a tlak ruangah a riantuannak hmun ah a thi colh mi a si. A ruak hi Khumtung community hall ah lak a si i, palek nih postmortem le a herhbau mi an tuah hnuah an khua lei panh pi a si.

 

Lungcimnak hmun hi Aizawl in Tuipang kalnak National Highway Kram Infracom Pvt. Ltd. company lamcawh mi nih lung an laknak hmun a si.

 

Nizan thiamthiam ah Kolasib i inn pakhat ah rawlchuannak gas a puah ruangah chungkhar 4 le an sin umpi pakhat cu hliam an tuar tiah theih a si.

 

Ref; LPS

The Chin Post

Be the first to comment

Leave a Reply

Your email address will not be published.


*