Mah Dir Hmun Phakter Na Duh Lo A Si Ah Cun Siang Inn Fale Kai Ter Hi Rak I Ruat Ve

Myanmar ram dih lak sianginn on ding le sianginn kai ding in ralkap pawl nih nawl an chuah tikah cun a tha tuk tiin sianginn zong an on i a kai mi zong an um pah len cang. Myanmar ram chungah sianginn kai ding tiin nawl an chuah mi cu an chuah ding cu asi ve ko. Sihmanhsehlaw mipi lei nih kan theih ding mi thil cu kan fanu le kan fapa le hna hi sianginn kan kai ter hna ah hin a tha lai maw ti hi kan i tuak ngai ngai a herh mi thil asi ve. Nawl pei an chuah cang cu tiin nan fa le sianginn nan kai ter colh hna ahcun zei thil dah kan cung ah a tlung lai ti kha rak i ruat cia ko uh.

Myanamar ram cu ralkak nih an kan uk bantuk in ralkap nih an duh poh in ram mipi hi an kan nawnnawk i duh poh in an kan tuah to theu tawn. Cucu kan theih ko nain nu le pa zong nih kan fa le hmai lei an caah a tha lai tiin, heh tiah fa le sianginn kai ter colh kan timh mi hna hi cu khuaruhthar tak tak cu kan si ko. Ralhrang ralkap thinlung zei tluk in dah mipi kan caah fihnung an si ti hi a tu tiang hi kan theih kho rih rua loh dah ka ti. Nu le pa nih fa le caah nan ruah mi hi cu thil tha cu asi ve ko. Asinain hi ralhrang ralkap minung thinlung le ruahnak hmanh a ngei lo mi hna kut tang ah nan fa le hi chiah peng rih nan duh ko mi hna hi thei thiam a har ngai ngai.

Myanmar ram chung ah sianginn a rak on nak kong ah lai pasal A Peng Khup Chon nih amah fb ah a chim mi cu hi ti hin a chim. Chim ram chungah sianginn a kai mi nih cun kan ton ding mi thil asi. Kan fa le hi bantuk dir hmun phank ter kan duh ko hna ahcun kai ter ding asi ko tiah amah pumpak fb hmang in a chim. A chim mi cu “Nuam a duh mi poh siangin kai ding a Nuam bak lai hih a kal pi nak cu an rak tin ah hal te ko hna uh pu no than kap a fa nu zawng si dawh a lo ko hih” tiah a ti ko cang hih.

Nu le pa zong nih kan fa le cungah hi bantuk hi a tlung lai loh ti hi a ho hmanh nih kan chim kho loh. Kawl ralkap pawl ruahnak hi kan theih khawh rih dih rih lo caah kan fa le hi sianginn kai ter colh hi a tha hnga maw? ti zong hi rak tuak tan ciao ding in kan sawm hna. Thil a can hnu ah kan i chiar te nak cun thil a can hlan ah i ral rin ngai hi a tha. Falam siangin zong an on cang i falam siangin i a cang mi asi caah hmun dang dang zong ralring tein rak um ciao ko uh. Source : A Peng Khup Chon

Be the first to comment

Leave a Reply

Your email address will not be published.


*