Mah Khua le ram Ciacia Ah, An Mi Tuah To hi Cu Mu? Apoi Taktak Si

Kalaymyo ah Covid-19 in nihin June 9 ah minung pathum le zumhhlei mi pakhat an nunnak a liam . Mindat Thongtla Ei Din An Pe Duh Hna Lo Palek sakhan ah thong a tla lio mi 20 leng an um. Ei ding kan ngei ti lo, rawl zong an kan pe lo, Ti lawng kan dinnak ni 2 a si cang an ti. Palek pawl zong nih zeihmanh ah an rel hna lo. Ei le din an herh ngaingai.

Nizaan ah Hakha khuachung electric tung pawl ah ‘Nat-Soe-Gyi-Mya Bu’ (Khuachia Hrang Pawl Bu) timi phu nih teirul cham ding tiin minung 19 min, Kawlca in, an tar. Min cazin chung ah NLD palai cheukhat, mino hruaitu pawl, CDM ah a telmi ngandamnak lei rianttuantu le siangcachim pawl an itel.

‘Nat-Soe-Gyi-Mya Bu’ tiah min an khenh nain, ca a tartu hi SAC ralkap pawl an si, tiah ca an tar lio a hmutu nih an chim. nizaan zaanlei suimilam 4:00 hrawng ah Thantlang peng Sopum khua ah ralhrang 100 reng lo an phan i Sianginn le Bethel Thlacamnak tlang ah hmunhma an khuar. Khuami zatceo tluk an zaam i ruah a fah tuk caah a zaam kho rih lomi cheukhat an taang.

Nizaan chun ah Sopum lei ah a kalmi ralhrang hna nih Lahva pawngah meithal zuun tam nawn an puah,Lo kal mi zong an thin a phan caah inn ah an tlung hna. Crd: The chin Post

Cun Mah Thawng hi rel chih : KIA Nih Rallokap Minung Ceilak A Phomh Hoi Hna Uar An Um Kho Tuk E

Kawl ralkap pawl ralthuam, ei-in le thilri phurtu mawṭawpi 4 KIA nih an khangh piak dih hna hnu ah an mah ralhrang ralkap minung 30 zong an thah chih rih hna

Tihni June 8, zinglei ah khan KIO Central Laiza khuapi pawng လဂျားယန် khua ah Kawl ralkap pawl i an ralthuam, ei-in le thilripawl phurtu mawṭawpi pawl cu KIA miralṭha rualpawl nih an kah piak dih hna tiah thawng theih a si.

Khuachung mi pakhat nih cun “nizaan zing nazi 9 hrawngah ဒေါ့ဖုန်းယန် i um hmun khuartu Kawl ralkap Battalion ခလရ (၁၄၂) pawl cu ralthuam, ei-in le thilri dangdang phurh pah in mawṭawpi 16 bak an rak ra Laiza khuapi kal nak lam pial လဂျားယန် khua in KIA pawl nih a thli tein an rak bawh cia hna. Kawl ralkap pawl cu KIA miralṭha rualpawl nih an rak bawh nak zawn i an rak phanh bak cun an rak kah thluahmah colh hna.

Kawl ralkap mawṭawpi pa 4 bak cu lak awk tlak ti loin an hrawhpiak cikcek ko hna. Kawl ralkap hi minung an tam lem loh. An phurh mi thilti zohkhenh tu ding ah minung tlawm te lawng an si.an mah bawh ding bak in an rak i tim i cuti cun an kah thluahmah chih ko hna.

Tihni hmasa chun June 7 zong ah မိုးမောက် peng နွမ်းလန့် khaw lam i a ra mi Kawl ralkap minung 200 renglo pawl cu Mawṭawpi pa 8 in an ra. ဒေါ့ဖုန်းယာန် an rak phanh ka te လိုင်ဂျော်Tlangah KIA battalion 19 i miralṭha rualpawl nih an rak kah thluahmah hna. Kawl ralkap lei in a thi mi le hliamhma a tuar mi an tam taktak. Fiang tein theih khawh a si loh nain, ralkap minung 30 nak tam an thi lai tiah tual chung minung nih cun an chim.

Min Aung Hlaing nih nawlneih nak a lak hnu Kachin ramchung ah Kawl ralkap le KIA hi Sagain ramṭhen he an ramri ah siseh, Shan ramkulh he an ramri ah siseh ni chiar te ti awk in i kah doh nak hi a um lengmang.

Hi an i kah doh nak ah hin kawl ralkap lei minung tam pi an thi, Kachin ramchung i an sakhan a herh bik mi Alaw Bum sakhan an sung fawn, US$ million 150 man Helicopter KIA nih an rak kah piak than cang fawn hna.

KIA lei zong in miralṭha ram le miphun duhdawttu mi zei maw zat i an nunnak liam hman seh, Pathian kilvennak in Alaw Bum sakhan cu KIA kutchung ah a um rih lai, a zungzal in um kumkhua hram ko seh. – Chin Net youtube i an rak langh ter cang mi a rel duh mi caah kan rak post mi a si. Chin Net

Be the first to comment

Leave a Reply

Your email address will not be published.


*