Malaysia, Australia le Yangon Chinmi Bawmhnak Ting 60 Man Mindat Ralzaam hna Sin ah Tluang tein a Phan

Malaysia, Australia le Yangon Chinmi Bawmhnak Ting 60 Man Mindat Ralzaam hna Sin ah Tluang tein a Phan
————-
Malaysia, Australia le Yangon khuasa Chinmi hna cheukhat nih bawmhnak an pekmi ting 60 man thilri pawl cu Yangon hrambunh Cornerstone Baptist Mission Myanmar (CBMM) tawlrelnak in Mindat ralzaam hna sin ah tluang tein a phan.

Atutan bawmhnak pawl hi Malaysia khuasa Sami khuami hna (KCO), Australia Laimi cheukhat le Yangon Laimi cheukhat nih an pekmi a si. An pekmi bawmhnak pawl cu CBMM nih a tawlrel i, SAC hnatlaknak in Mindat ralzaam hna sin ah a phan, tiah ttuanvo ngeitu sin in kan theih. The Chin Journal

thawngpang dang relchap : KIA Le Ralhrangbu I Kahnak Fak Taktak A Chuak Than Rallokap Ceilak An Thi Than (+Update Thar)

June 16 zinglei suimilam 7:45 thawkin Shan ram chaklei Kuatkhai peng Nampachi le Paco khua hrawngah KIA Brigade 5 tang Tatyin 39 le ralhrangbu i kahnak ah KIA ralkkap pakhat a nunnak a liam. Ralhrangbu lei thi le hliam an tam ngai tiah theih a si.

I kahnak hi ralhrangbu nih KIA an Brigade 5 tang Tatyin pawl cawlcanghnak hmun Manping, Kalai, Paco, Lawmon lei a rak lut mi pawl KIA nih an dawi hna caah a chuak mi a si. I kahnak a fak ngai tiah theih a si.

Hi ka hmun hi KIA le ralhrangbu an i kah lengmang nak hmun pakhat a si. Tuzing ah KIA ralkap pakhat a nunnak a liam mi cungah kan lung a fak ngai. A thi mi KIA ralkap hi pa raltha a si caah kan ui ngai tiah khuami pakhat nih a chim.

Kuatkai pawng hi KIA lawng si loin Northern Alliance bu thum MNDAA, AA le TNLA pawl ralhrangbu kar ah i kahdohnak a chuah lengmangnak hmun pakhat a si. Ref; 7stars News. thechinpost

thawngpang dang relchap : Ralhrang Nih PDF Nan Si Tiin Mino An Zumh Lo Mi Minung Pahra Bak An Tlaih Hna

Shweku ah an zumh lo deuh mi poh PDF nan si tiin ralhrangbu nih chungkhar cazin (အိမ်ထောင်စုစာရင်း) he an kawl i, June 13 ah mino 10 leng an tlaih hna tiah theih a si.“Thawngpang an theih ningin PDF he a pehtlaih tiah an theih mi minung hna an hlathlai hna, Cheukhat chungkhar cazin zong an chuahter hna.

Atu ah an tlaihmi 20 hrawng an si cang. Inn pakhat ah pakhat an tlaih mi zong a si lo, a pehtlaih mi a si tiah an ruah mi cu an chungkhar ningin an tlaih hna” tiah khuami pakhat nih a chim.

Shweku ah palik sakhan an tuk pin ah ralhrangbu rasen phor mi tilawng hna cu mipi ralkap nih an tuk pah lengmang caah atu bantukin an tuah mi a si tiah theih a si.

June 4 le 9 ah Shwetu myoma palik sakhan cu tuk a si. Ralhrangbu Eidin a phor mi tilawng cu Chindwin tiva ah voi 5 hrawng kah a si cang. June 13 ah inn pakhat in minung 10 renglo le june 14 ah 10 leng an tlaih hna. An tlaihmi hna hi palik sakhan ah cheukhat, ralhrangbu sakhan ah cheukhat an chiah hna tiah theih a si. Source: KNG (TCP)

Be the first to comment

Leave a Reply

Your email address will not be published.


*