Mandalay ah Tlaih a Tongmi Salai Do Khar a Luat

Mandalay ah Tlaih a Tongmi Salai Do Khar a Luat
———
Mandalay lamzawhnak ah SAC ralhrang nih an rak tlaihmi Salai Do Khar zong nihin ah a luat ve cang, tiah thawng kan theih. Salai Do Khar cu February 27, 2021 lio i, Mandalay lamzawhnak ah an rak tlai i thla 4 leng thonginn ah a um hnu nihin ah luatnak a hun hmuh tthan hi a si.

Nizaan ah Hakha palik thonginn in minung 37 nih luatnak an hmu i, Myanmar rampi huap in minung 2,342 nih luatnak an hmu hna. The Chin Journal

thawngpang dang relchap : Chin National Army: Chinram Le Miphun Caah Ngaihchih Nak Ka Ngei Ballo

Kan Chinram le kan Chin miphun caah kaa pekchanh nak hi zeitik hmanh ah ngaihchih nak le i chirnak kan ngei ballo. Kei cu Chinram caah le Chin miphun caah ti-rawl hmanh tha tein ei caan ngeih hlah hmanh ning, zaan ah ihnak caan ngeihlo in ka um caan hi a tamtuk hringhran ko cang, asinain kan inntuar nak vialte hna hi kai uangthlar tuk ko.

Fimnak cataang sangpi a cawngmi hna le Degree sangdang a la mi hna nih Kan Chinram le Chin miphun caah zeihmanh pekchanh duhnak le tuanduh nak an ngeih lo mi nak in cun cataang ngeilo ka si ko zongah rawltam tihal le zaan itlo in Chinram le Chin miphun caah ka inntuar nak hi a sunglawi deuh i a thahnem deuh tuk ko ka ti.

Harsatnak ka ton lio caah ah voikhat tehmanh ka mitthli a tla sual ballo, asinain Chinram le Chin miphun i ahmai lei khuacaan ka hei cuan tikah thinphang in ka um zungzal….. Ka nunnak a umchung vialte le ka thaw ka chuah chung vialte poh hi cu Chinram le Chin miphun caah ka nung zungzal ko lai.

Chin ralkap ka sinak hi Chin miphun le Chinram caah ruahchannak a pe tu si dingin kai zuam zungzal ko lai. Chin National Army Diary.

Be the first to comment

Leave a Reply

Your email address will not be published.


*