Mandalay in Chin ram lei ah a kal mi Motor ah Meithal le Kuan pawl Ralhrang nih an tlaih

Mandalay in Chin ram lei ah a kal mi Motor ah Meithal le Kuan pawl Ralhrang nih an tlaih
========
Ni zaan November 20 ah Mandalay in Chin ram , Kampetlet lei ah a kal mi Shwe Yaw Man motor cung ah Meithal le kuan Ralhrang nih an tleih. Motor cung in an phurh mi cycle chung ah Meithal kuan pawl le Motor chung thilpuan chung ah Meithal le Scope pawl cu Magway Ram, Poke khua car gate pakhat an phak ah an tlaih hna hi asi. The Chin Post

thawngpang dang relchap : CNDF nih Thongchuak Mifir/Nu Tlaihremtu “Cung Ro Suan” an Thah
———-
SAC ralhrang zaangfahnak in thonginn in naite ah a chuak i Lai meithal le vainam i put in Falam peng chung ah thilfirnak le nu tlaihrem sualnak pawl a tuahtu Cung Ro Suan cu khuami nih an report bang in CNDF nih November 8 ah an tlaih i November 20 ah an thah.

“Thonginn in a chuah hnu ah ralhriam in mi tlerhkhawn i thil firnak le tlaihrem sualnak pawl ahlan nakin fak chinchin in a tuah caah biaceihnak kan ngeih hnu ah nihin November 20 ah kan thah,” tiah CNO/CNDF nih thawngpang an chuah. Hmailei zong ah Falam peng le Kalay-Kabaw hmunram ah sualnak a tuahmi pawl cu Chin Acts upadi ning in dantatnak pek an si lai, tiah CNO/CNDD nih an langhter chih. The Chin Journal

Be the first to comment

Leave a Reply

Your email address will not be published.


*