Mindat ah Kum 10 Ngakchia Nute Meithal nih a Khen

Mindat ah Kum 10 Ngakchia Nute Meithal nih a Khen
———–
Nihin zinglei sml. 7:00 hrawng thawk in SAC ralhrang nih Mindat khuachung ah an duh paoh in mortar bomb le meithal in inn pawl an kah i, innchung ah aa dupmi kum 10 ngakchia nute cu ahnulei liang pawng ah meithal kuan nih a khen.

“Sii-ai thlopbultu sayamate zong an um lo. Minung aa chokmi paoh SAC ralhrang nih an kah hna caah khualeng chuah khawh zong a si lo. Hngakchia nute hi a hliam a fak i a zualhma ngai,” tiah HKL Mindat nih a ttial.

Mindat khuachung i inn pawl SAC ralhrang nih an bauh i an duh paoh in an um, thilri zong an fir hna, tiah a langhter chap. Chun-zaan in Mindat khuachung ah SAC ralhrang nih meithal an duh paoh in an puah caah khuachung ah aa hrengmi pawl lengchuak ngam loin le ttihphang in an um hna. The Chin Journal

thawngpang dang relchap : Nizan Kahdohnak ah Pu Van Biak Ling a Nunnak a Liam
————-
Nizan (May 16) zanlei ah Chuncung khua le Ramthlo khua karlak Dokthek khua pawng ah SAC ralhrang le CDF-Hakha kahdohnak a chuak i CDF-Hakha lei in minung pakhat a nunnak a liam, tiah thawng kan theih.

A nunnak a liammi hi Pu Van Biak Ling (kum 25) a si i, fa a ngei rih lomi patung no a si. Nihin zinglei sml. 7:00 hrawng ah nizaan an i kahnak hmun ah a ruak an vung lak. Nizan kahdohnak ah SAC ralhrang lei in a thimi le hliamhma a pumi zeizah an um timi fiang in theih a si rih lo.

မနေ့ညနေ ၆း၃၀ ခန့်တွင် ဟားခါးမြို့နယ်၊ ချွန်ကျုံးကျေးရွာနှင့် ရမ်ထလိုကျေးရွာအကြားတွင် CDF-Hakha ဟားခါးနှင့် စစ်ကောင်စီတပ်တိုက်ပွဲဖြစ်ပွားပြီး CDF-Hakha မှ ဦးဗန်ဗျက်လိန်း (၂၅နှစ်) ကျဆုံးသွားကြောင်းသိရသည်။ The Chin Journal

thawngpang dang relchap :thawngpang dang ….#PalhmiRemhnak: [Mindat mipi uknak bu nih offical cazin a chuahmi ah a thimi 6 an si. Pasarih tiah kan ttialmi kha paruk tiah kan remh tthan].
—————
CDF-Mindat le SAC Ralhrang Kahdohnak ah CDF-Mindat lei in Mino 6 nih Nunnak an Pek
————-
May 12 in 15 tiang a cangmi CDF-Mindat le SAC ralhrang karlak kahdohnak ah CDF-Mindat lei in mino 6 nih nunnak an pek, tiah theih a si. A nunnak a liammi hna cu: (1) Salai Thang Ghung Thang
(2) Salai Mang Kee Thang (3) Salai Ghung Om Ghung (4) Salai Kee Tam (5) Salai Thang Phep (6) Salai Ha Khui Shing hna hi an si. SAC ralhrang lei in motor 7 a kaang i, a thimi le atu tiang hmuh khawh loin a tlaumi ralhrang pawl an um hna, tiah SAC thawngzamhnak Kyemon nih nihin ah a langhter.

မင်းတပ်တိုက်ပွဲတွင် ပြည်သူ့ကာကွယ်ရေးဘက်မှ လူငယ် ၆ဦး ကျဆုံး
————-
မေလ ၁၂ ရက်နေ့မှ ၁၅ ရက်နေ့အထိဖြစ်ပွားသော မင်းတပ်မြို့တိုက်ပွဲတွင် မင်းတပ်ပြည်သူ့ကာကွယ်ရေးတပ်ဖွဲ့ဘက်မှ လူငယ် ၆ဦးကျဆုံးသည်ဟု သိရသည်။ ကျဆုံးသူများမှာ – (1) Salai Thang Ghung Thang (2) Salai Mang Kee Thang (3) Salai Ghung Om Ghung (4) Salai Kee Tam (5) Salai Thang Phep (6) Salai Ha Khui Shing တို့ဖြစ်သည်။ အကြမ်စစ်ဖက်စစ်ကောင်စီကား ၇စီး မီးလောင်ပျက်ဆီးပြီး အကြမ်းဖက်သမား သေဆုံးသူ၊ ပျောက်ဆုံးသူများရှိကြောင်း ယနေ့ထုတ် စစ်ကောင်စီသတင်း ကြေးမုံတွင် ဖော်ပြသည်။ အကြမ်းဖက်သမား သေဆုံး၊ ပျောက်ဆုံး စာရင်းအတိအကျကိုမှု စစ်ကောင်စီမှဖော်ပြခြင်းမရှိပေ။ The Chin Journal

Be the first to comment

Leave a Reply

Your email address will not be published.


*