Mindat Dirhmun Nih Singer Jenevy Sui Mitthli He A Chiah Ko Cang, Lungkuai Ngaiin Ca A Tial

Mindat Mipi le CDF lei dirkamh tu, Bawmtu ngei lo dirhmun bantuk an si. Nizan Mindat dirhmun a tha lo ngai ngai cang. Mindat khuapi in a zam mi, Mindat Ralzam pawl an umnak pawl ah ralhrang nih an kal hnawh hna i raldohnak a chuak cuahmah tiah hlasakthiam Jenevy Sui nih a chim.

“Atu hi, Mindat Ralzam an umnak hmun le khua pawl, Yatywa khuate pawng, Ngapio-taw, Shwe-Aungthar le Maylaykung pawl cu Ralhrang nih hriamnam ngan, Sniper le ralhrang thazaang tampi in an kulh hna i an kah cuahmah hna. Hriamtlai lawng an kap hna lo, sualnak ngei lo mipi zong an kah hna, an hmuh mi hna paoh an kah hna ti ding a si cang. Atu hi mipi lei a thi mi zong an um kho cang.

CDF-Mindat pasaltha hna rak dir pi cio hram hna uh. Atu tiang, nizan lawng ah CDF pasaltha Ngai Sian Man le Thang Mang nih a nunnak a pek cang” tiah Jenevy Sui nih a tarlangh.

Nizan June 6, 2021 zing in Mindat Ralzam Camp a umnak hmun pawl cu Ralhrang nih an kal hnawh hna caah CDF-Mindat le Ralhrang karlak kahnak fak ngai in a chuak. Ralkap thazaang 150 leng nih hmun (2) in an kulh hna i an kah hna hi asi.

Zaanlei hrawng ah khan Ralhrang lei nih Chemical Weapon le Vanlawng tiang an hman ti a si fawn. Ralzam pawl umnak tiang kal hnawh i mipi umnak ah raldohnak fak tuah, Chemical weapon tiang an hman hi cu Mindat mipi, Chin miphun cihmih an timh bia a si ko.

Be the first to comment

Leave a Reply

Your email address will not be published.


*