Mindat Hero : Kum(10) lawng a simi Mindat CDF pasaltha, Uar a um kho taktak thih ngamh bak in a tthuat ve hna

Kum(10) te lawng a si rih mi Mndat ngakchia pa te cawlcanghnak le a hmanthlak cu nihin chun social media cahmai ah a hun lar ngai ngai. Nizaan Ralhrang nih Mindat khuapi le Mipi an doh hna lio ah meithal tlaih in a cawlcang ve mi a si tiah an langhter.

Mindat CDF pasaltha hna i an hriamnam tha bik cu mah tein i ser chom mi Lai Meithal le kuanzen a si. a si nain vawleicung fimthiamnak sang hna thiamnak dihlak in ser mi, Miakpi, Bomb le Sniper, Helicopter le fighter jet tiang in Ralhrang nih an hman i Lai meithal cu heh an doh.

Cu bantuk hriamnam tha, hriamnam puitling lakah hi ngakchia pate zong a mah tein Meithal aa bei i a minung, a khauram vennak ah a cawlcang ve ti asi. A cawlcanghnak hmanthlak cu an mah Mindat minung lila nih social media cahmai ah an tarlangh hnu ah mi vialte nih thangthat a hun si.

Nizaan tiang i kahnak ah Mindat pasaltha (7) nih nunnak an pek ti asi. Ralhrang lei tu cu a thi mi, hliamtuar mi le a tlau mi tam ngai ngai dawh an si. Mindat khuapi, sualnak ngei lo minung, hriamnam aa tlaih lomi khua le ram ah ralhrang nih hitluk fak in dohnak an tuah hi cu lung a fak. Cu lio ah miphun raltha tein a humhim tu Kum 10 ngakchia pate hi upatnak pek phu hrimhrim a si ko. Vom

Be the first to comment

Leave a Reply

Your email address will not be published.


*