Mindat Kahdohnak A Fak, CDF Lei Pakhat A Thi Cang

Mindat Kahdohnak A Fak, CDF Lei Pakhat A Thi Cang
===============
June 6, tuzing in Mindat peng hmunhnih ah ralhrang le CDF kahdohnak a um. Ralhrang nih vanlawng, hriamnan le chemical bomb an hman i CDF-Mindat in pakhat a thi tiah theih a si. Kahdohnak a umnak hi Mindat -Phaya Sakhan karlak le Mindat-Siat khua karlak ah a si. Nichuah Meithah Tlang le 274 battalion umnak hna in ralhrang nih CDF cu hriamngan in an kah hna.

Mindat kahdohnak ahhin ralhrang nih chemical bomb an hman i CDF le pathum hna cu chemical khuavai an i dawp sual tiah theih a si. Vanlawng dang zong a ra chap i hmun 3/4 ah aa chawk tiah khuami nih an chim. Ralhrang hi ralhmai hmunhnih in an i then i mining 150 leng an si. (Zalen) Note: A tanglei hmanthlak hi Mindat khuami cheukhat himnak hmun kawl in a kalmi an si (VOA) The Chin Post

thawngpang dang relchap : Ralhrang Nih Sivai Bomb In CDF An Kah Than Hna Caah Pakhat A Thi

Sivai Bomb Ruang ah CDF-Mindat in Mino Pakhat a Nunnak a Liam Than.SAC ralhrang nih Sivai Bomb (Chemical Bomb) in CDF-Mindat an kah hna ruang ah minung 3 cu sivai hliam an keng i cu chung ah cun minung pakhat June 6 ah a nunnak a liam, tiah theih a si.

Mindat peng hmun 2 ah CDF-Mindat le SAC ralhrang karlak ah kahdohnak a fak ngai i SAC ralhrang lei nih ralhriam nganngan an hman pin ah UN nih a khammi Chemical Bomb tiang in an hman hi a si. Nihin chun ah SAC ralhrang nih vanlawng zong an thlah i Mindat peng chung ah ngiathlainak an tuah cuahmah. “SAC ralhrang pawl bu 2 ah an i tthen i ralzaam pawl umnak hmunhma lei ah an rak naih,” tiah Mindat mipi uknak lei bu nih thawngpang an chuah. Credit: The Chin Journal

Be the first to comment

Leave a Reply

Your email address will not be published.


*