Mindat kan far le pawl ralkap nih an tlaihhrem mi hna cungah a lungput hi uar a um ko taktak

Kawl ralkap nih an tlaihhremmi Mindat kan farle hna cu nupi ah ka tthit hna lai: Mindat ah kawl ralkap nih mipi an doh hna lioah khan Mindat khuami zeimawzah cu kawl ralkap nih an tlaihhrem hna tiah ka theih caah ka lung a fak tuk hrinhran i ka lung fahnak hi a tuar in ka tuar kho loh. Mah cu tlaihhrem a tongmi Mindat khuami hna caah cun ka lung a fak i ka ngeih a chia tuk hrinhran. A ruang cu an hmailei an lamthluan ah an caah thil ttha lo nih a zulhdawi khawhmi hna a si caah a si i cu caah mah cu tlaihhrem a tongmi nu lakah fa an pawi zongah si seh fa an pawi lo zongah si seh pakhat pakhat cu nupi ah i tthit i cu ticun zohkhenh cawmkeng dingin bia kai kam.

Mah far le mah nau bantuk in zohhenh le cawmkeng ka duh tinak a si i hi hi keimah tein bia kai kammi cu a si. Cun a dang pakhat chim ka duhmi cu a tu hi CMD staff ka si ruangah ka ttuan liomi a cozah rian in phuah a tongmi ka si i a cozah thar a dir te tikah le phuah a simi ka rian ah ka luh tthan te tikah mah hi ka biakamnak hi ka tlinhter te lai timi hi cu chim cia ka duh. A tu lioah hin cun mah pumpak cawmkawlnak caah ka harsa cio hna i rian ngei lo le tlaihkhih lai phangin kan um hna caah bawmh ka duh tuk ko hna nain ka dirhmun nih a pe hrimhrim lo.

Chin capar rel ding a um chap. Cun kutka hram ah minung kalnak a cinmi keneh hna cu ka hmuh caah ka lau ngaingai ko. Cu lioah ka ke bakin kut pahnih nih a rak ka tleih i ka lau tuk caah ei ka nu tiah ka au. Ka ke cu ka van zoh cu minung pakhat nih a kut hnih in a rak tleih ko cu ka hmuh. Ka hmai ah cun a khuk ai bil i a sam a sau ngaimi a lu cu tang ah a khun. Ka ke cu fek tein a tleih i a kut cu a ther pah. Zaangfahnak tein na inn ah ka dorter ko mi dang cu an inn kutka ai hrenh dih cang le hi ti hin cun ka thi lai tiah aw ther ngaiin a chim. A aw ka theih bakin nu a si timi cu ka theih i zei dah hi tluk tlai ah nu nih cun hi ti hin a um tiah ka ruat colh. Saupi khua ruat ti loin a poi lo a ngah ko ra ra inn chung ah na thil hna an cin dih kha nai thleng la ka ti i a liangin ka tleih i ka thawh. Cun inn chungah ka hruai. Inn chungah kan lut i ka ihkhun cungah ka tthutter.

Cun a rannak in ka hnipuan a lummi cu ka chuah hna i a pawngah ka chiah piak. A lu cu ai khun peng caah sam nih a hmai cu a huh hna i fiang tein ka hmu kho loh. Hi hi i thleng mu coka ah rawl ka ser la tiah ka chimh. Cun coka ah ka kal colh. A chim lawng ka chim rawl hleimi zong a um loh. A thar in chumh a hau ko ka ti i rian rang taktak in rawl chumh cu ka thawk. Kai rian ranh tuk ruangah facang cu ka thlek sual i coka ttuang cungah cun an i tthek hna.

A rannak in ka khuk kai bil i ka ruh hna. Cu lioah innpi lei cu ruah lo piin ka hei zoh duk sual. Ei ka nu tiah ka au i ka lau tuknak ah hnulei bak ah ka vai hlonh ko. Innpi lei ka zoh ah khan a ke cu ka hmaika te bak ah ka hmuh caah a si i movie chung mithla hna khi a lo pah. Zei hmanh a chim loh i coka ah a rak lut ve. Cun a dir i khua a hoi a hoi i apple pum khat a tangmi cu a lak zau i a kawk pah in innpi ah a kal tthan. Cun apple cu a ei pah in rawl tuah ti duh hlah hi hi kai za ko tiah a kal pah in a ka chimh.

Ka tthunak in ka tho kho rih loh i a tu tiang ka launak a dam rih taktak loh. Duhsah in ka tho i zei thil hme a cang tiah keimah le keimah cu ka lung chungin kai hal. Ka zan mang bantuk khi a lo nain a taktak a si fawn ttung. Ka hei zoh i apple cu ihkhun cungah a tthu pah in din lo bakin a ei thluahmah ko cu ka hei hmuh. Ka room hi a bi ngai le rak ka theithiam ko law mu nang ihkhun ah it law kei coka ah ka it lai tiah ka ti. Apple cu thaw tukin a ei caah ka chimmi bia cu a ngai le ngai lo zong ka thei loh. Innpi cu ihkhun a khat cang caah ttuanglai ah it zongah hmun khat ah a itmi bantuk kan lo cang caah coka ah it hi a ttha cem tiah ka hmuh. Hmun dang cu ihnak a um ti lo bantuk kha a si ko i cu caah coka hi minung pakhat ihnak caah cun a za tthiamtthiammi kha a si ko.

Cu ticun apple duk tla tukin a ei ti ka hmuh tikah duhsah in ei ko seh ka ti i a ei dih caan hngak ti loin coka ah cun puan ka phah i ka ih taak. Edward nih rian a hmuh sual ahcun zingka teah rian interview tuah a hau lai caah tuan a tuah it ka hau cang. A thil eimi cu a mah ei in rak ei ko seh law a mah it in rak it ve te ko seh tiin ka ih taak. Zingka cu a hung si i ka ihkhun cungah ka it ko cu kai hmuh. Are a ziah nizan thil a cangmi kha ka zan mang maw a si kun ne tiah ka lung chungin bia kai hal.

Cu lioah nu a nih aw thawng ka theih i ka van i her i ka zoh tikah cun ka hman ti lonak a sau tuk cangmi tv hlunpi hmaika ah tv a hmu bal lomi bantuk in tv thlalang cu neih taktak in tthep loin a thu i tv a zohmi zahan ka khualnu cu a si ko. A hnulei a ka chit i cawl lo tein bakin tve cu a zoh ko. A tu tiang ka lung fiang lomi cu coka ka ihnak in zeitin dah ka ihkhun ah kai tthial khawh dan a si ti hi a si. Ka hmaw le maw ka rak i tthial tiah bia kai hal. Hmaw a hmangmi ka si fawn loh.

Ka ruat lengmang nain ka ruat kho bak fawn loh. Tlawmpal ah a nih thawng cu ka theih tthan i hngakchia bantuk in tv cu neih taktakin a zoh ko. A zohmi cu Cindrela carton kha a si i a tv zohmi a tui tuk ruangah a dawnhkhanh sual lai ka phang i din tein ka tho. Cun ka phone cu ka zoh i Edward sin in call voi 5 a rak lut i message 1 a rak lut. Call na tlai lo le van i tim law kan ngah ko rian a lawngmi a um tiah message a ra ka kuat. A rannak in kai tim i a nih cu zei hmanh lungretheihnak zong ngei loin cawl lo cang lo tein tv a zoh ko i a ni pah lengmang ko. Mychinland

Be the first to comment

Leave a Reply

Your email address will not be published.


*