Mindat Ralzam hna ca ah Tangka a Chuahtu Kalaymyo ah Tlaih a Tong

Mindat Ralzam hna ca ah Tangka a Chuahtu Kalaymyo ah Tlaih a Tong
———
Mindat ralzaam hna bawmhnak tangka a chuahtu cu tangka ting 170 MMK he nizan ah SAC ralhrang nih Kalaymyo ah an tlaih, tiah theih a si. Kalaymyo i aa tthumhnak inntek U Thang Mang Ki zong nihin zinglei sml. 10:00 hrawng ah a inn ah an tlaih ve.

May 19 ah Mindat ralzam hna ca ah tirawl cawk ding in thantar raang thlir in Mindat khua ah a kalmi pa pakhat zong atu tiang an pehtlai kho lo. The Chin Journal

Thawngpang dang : CNA/F Bawmh Hi Kan Palh Hrimhrim Loh A Ruang Cu

CNA/F Caah Khrihfabu Tangka Kan Bawmh Mi Hi Kan I Palh Bak Ko Maw? A tawinak in kan leh lai. NO! palh hrimhrim hlah tiah ka Ruah. Pakhatnak. CNA/F cu Party Ramkhel (State) ansi lo i, Dothleng Ramkhel (REVOLUTIONARY) ansi tihi kan i fiang a herh. Zalonnak, tlukrualnak, diknak caah dothlennak a tuahmi an si. Party politiic le Revolutionary movement kong hi mipi nih thledan kan thiam khawh a herh.

Pahnihnak. Dr. Rual Uk nih pumpak in cun CNA/F bawmh khawh asi nain Khrihfabu nih bawmh cu palh taktak asi tiah a ti. A ngaingai ahcun Pumpak (Zumtu) hi Khrihfabu cu kan rak si deuh (1Cor 12:27). Khrihfabu (Church) le pumpak zumtu (Believers) hi thleidan awk a tha lo mi asi. Pumpak (Zumtu) nih CNA bawmh khawh asi ko ahcun Khrihfabu (Church) zong nih bawmh khawh lo nak a um hlei lo. Khrihfabu nih Dothlennak ramkhel kongah tangka bawmh khawh asi lo ahcun Pumpak (Zumtu Khrihfa) zong nih bawmh khawh ding asi hlei lo. Seperation of Chruch and State nih Dothlennak (Revolutionary movement) khi a sawh duh mi asi lo.

Pathumnak. Khrihfabu kan riantuan mi cu hmuh khawh mi ram caah siloin hmuh khawh lo mi Thlarau ram asi tiah ati. A hman. A ngainngai ahcun, hmuh khawh lo mi Khrih Pum (The body of Christ) kha hmuh khawhmi KHRIHFABU (CHURCH) in aa langh mi asi (Eph 1:23). Hmuh khawh lo mi Pathian pennak kha hmuh khawhmi Thiltha tuahnak (Mi sifak bawmh, Rawl ╚Ťammi rawl pek, ralhrang nih a thahmi chungkhar bawnhchanh, miphun zalonnak le diknak caah a tuan mi Dothlengtu pawl bawmh chanh. .etc) in tlinter ding khi asi.

Palinak .Religion and The Founding of Ametican Republic cauk chungah Khrihfabu le Dothlengnak kong tampi rel awk a um. American dothlengnak caah Khrihfabu nih chawva in an rak bawmh hna. Dothlengnak caah Khrihfabu nih chawva in kan bawmh mi hi Pathian hmai ah a dik mi fo tla asiko tiah an rak fehter. Cun vawlei tuanbia dang French Revolution kan zoh tik zongah Khrihfabu nih dothlennak (Revolutionary movement) ah chawva in an bawmh hna kong tampi kan hmuh khawh. Bible cahlun chung kong cu kan chim ti lai lo.

Panga nak. CNA khi meithal put in lai a nawngmi phu ansi tiah ruat lo in Zalonnak, diknak le tlukrualnak tuahtu le Thiltha tuah tu PHU pakhat an si tiah zoh piak thiam ahcun Khrihfabu nih CNA bawmh khawh lo nak a um lo. A cunglei hi keimah pumpak ruahnak asi. A palh BAK, a PALH BAK LO tiah ka chim lo. BAK biafang hman ka duh lo. Khrihfabu nih CNA hi bawmh khawh asi ko. A palh lo tiah ka RUAH. Credit: Israel R. Thang

Be the first to comment

Leave a Reply

Your email address will not be published.


*