Mindat Thongtla Pawl Cu Ralkap Nih Thah Pei An Timh Cang Ko Hna Hi

Mindat Thongtla Ei Din An Pe Duh Hna Lo. Chin ram Mindat ah mipi ralkap le ralhrangbu kar kahdohnak thla 1 chungah ralhrangbu nih mipi an tlaih mi 20 renglo Mindat thonginn ah an chiah mi hna cu an hrem hna, eidin zong tha tein an pe hna lo tiah RFA nih a chim.

Palek sakhan ah thong a tla lio mi 20 leng an um. Ei ding kan ngei ti lo, rawl zong an kan pe lo, Ti lawng kan dinnak ni 2 a si cang an ti. Palek pawl zong nih zeihmanh an rel hna lo. Ei le din an herh tiah RFA nih a langhter.

April 24 in June 8 tiang Mindat-CDF le ralhrangbu kar i kahnak ah CDF-Mindat lei nunnak a liam mi 22 an si cang. June 8 tiang i kahnak a um peng rih. Mipi a thi mi le hliamhma a pu mi zong an um.

Ralhrangbu nih khuachung le mipi zong zei rello in cunglei le vulei in meithal ngan, bomb he an kah caah himnak kawl in a zaam minung 1000 leng an si cang tiah theih a si. Cheukhat nih Mindat khuanchungah ni fatin kan herh mi facang, chiti, cite tbk… a cat ding dirhmun ah kan dir cang tiah theih a si. Ref; RFA

Be the first to comment

Leave a Reply

Your email address will not be published.


*