Mipi Lei nih Dalaan Hna nupa An Tuahto Ning Hna hi , Dalaan Pawl nih Rak Thei Cio Hna Seh , An Pa Cu A Celh lo i A Thi Bak

Kawlram chung hmunkip ah ralkap nih nawlngeihnak an lak hnuah khuakip le hmunkip ah mipi nih ralkap pawl cu an doh peng hna i ralkap lei tangmi a thi timi kong zong theih ding a um deuh peng ve. Daiten lamzawhnak nih thathnemnak a chuah pi lo caah mipi pawl zong an um kho ve ti lo i meithal ken i zalennak duhah an chuak theu tawn.

May 23 zinglei 8:15 hrawngah mipi nih dalan hna nupa mipi thek tu hna cu an kah hna i dalan pa cu a thi tiah theih a si. Sagaing Devision Tangse Township Maha Maying veng chung i um U Thien Swe Aung le a nu pi Mah Chaw su cu dalan nupa an rak si tiah theih fian hnuah hi bantukin an doh hna i an pa a thihnak hi si.

U Thein Swe Aung cu PyusawHtee ai fonhmi ah ai tel vemi a si i dalan hmanhah hin a lutlai lei a si tiah theih a si. Veng chung mipi i cawlcanghnak le cawlcangh an i timhnak pawl paoh cu ralkap le palik sinah a rak chim khawh zungzal tiah theih a si. Curuangah May 23 ah ho ti theih lomi nih a rak kah hna.

Yae Oo Hospital ah an kal pi i siizung an phak hnuah U Thein Swe Aung cu a thi. A nupi Mah Chaw Su zong hliamhma fak ngai a tuar ve i siizungah cun an zohkhenh ve lio a si. Mah hna nu pa hi tutiang ho nih dah meithal in a kah hna timi hi tutiang theih khawh a si rih lo. Meithal in a kap tu le an cung i hi bantukm thinlung a ngeitu hi theihkhawh colh dingin an i zuam cuahmah lio a si .

Thawngpang dang : “Yaw Kee” A Nunnak Caah Thinphang A Si Cang , Thlacam Rak Bawm Cio U Sih

Chin ram Mindat khuachungah i kah donak fak ngai a chuak rih ko lai tiah mi cheukhat nih cun an chim. Ralka le mipi an i kap len hna i khuachungmi pawl cu an himnak kawlin ramlak ah an vak len hna. Nilin ruahsur lakah ramlak i an vah hna caah cun hngakchia kum 6 te cu pneumonia zawtnak in a zawt caah ram lakah cun a thi tiah theih a si.

Kan theih cio bantukin Mindat cu ralkap nih an kap tuk hna caah mino zong an hmuhmi hna paoh an tleih tuk hna caah hlasakthiam Yaw kee ca zongah tih a nung tuk ve.Yaw Kee nih ramlak i a vahnak hmanthlak pawl cu a fb ah a rak chiah hna. Thinlung a fak tuk. Thinlung a fak tuk tiah ca a chiah ta.

Nizan naite zong ah Mindat mipi caah tirawl a pechan tawntu tlangval pakhat cu ralkap nih an tleih khawh cang i atu hi khawika a um zong theih a si tilo i a chungkhar cu lungrethei thinphang taktak in an um lio a si.Atu ah Yaw Kee nih hin Mindat mipi caah tirawl a pek chanh hna timi hi ralkap lei nih an theihtuk ve cang.

Ralkap pawl hi mizei cung hmanh ah thlachiat a ruatmi an si tilo caah mipi tirawl a chan pengtu Yaw Kee cazong ah thinphang ngaingai asi cang i a nunnak ca tiang in thinphang a si ve cang. A cawlcangh nak hi a hnulei in ralkap nih an ngiat thlai cuahmah lio a si caah thlacamnak in bawmhram ko rih hna usih.

Be the first to comment

Leave a Reply

Your email address will not be published.


*