Mipi Thlacam In Bawm Hna Usih : SAC Ralkap 100 renglo Sopum khua an phan, khuami zatceo deng an zaam

SAC ralkap 100 renglo Sopum khua an phan, khuami zatceo deng an zaam
==============================
SAC ralkap minung 100 renglo deuh cu June 9, zaanlei 4:00pm in 5:00pm kar ah Thantlang Peng Sopum khua an phan, khuami zatceo tluk an zaam, tiah kan theih. “An ke in an phan. Ke 12 motor ti mi pakhat nih an thilri le riahcaw pawl a vun phurh. Tar pipi zong an i tel. Ruuksai si loin paiper an i bei hna. Sianginn (Vanzang tlang le Zahnak tlang lampial) ah minung 50 hrawng, Thantlang lei in khualuhka Bethel Thlacamnak hmun ah 50 hrawng tiin hmunhma an khuar,” tiah min langhter lo mi pakhat nih The Hakha Times ah a chim.

Khuami zatceo tluk cu an zaam nain ruahpi a suur tuk ca ah a zaam kho lo mi nunau cu an um. Hi SAC ralkap hna hi zeican dah an um lai, ti cu hngalh a si lo nain an riahcaw cu a thahnem ngai, ti zong min langhter lo mi pakhat nih a chim fawn.

Sopum khua cu Vanzang Tlang khua 6 lak ah Thantlang in hei pal hmasa bik mi khua a si. Zahnak Tlang Lungler khua SAC ralkap sakhaan kalnak lampial zong a si i CNF/A umnak lei pialnak zong a si. The Hakha Times

Be the first to comment

Leave a Reply

Your email address will not be published.


*