Miss Thu Zar Wint Lwin cu American Florida ah a um mi Laimi hna nih lawmhpi nak an tuah piak

Miss Universe zuam nak ah Laithil thuamhruk in “Best National Costume” laksawng a co tu Miss Thu Zar Wint Lwin cu American Florida ah a um mi Laimi hna nih lawmhpi nak an tuah piak .
Miss Thu Zar Wint Lwin nih ” Florida ah a um mi ka dawt mi Laimi phun nih lawmh pi nak an ka tuah piak.

Cun thazaang pek nak le na herh nak ah hman ding tiah laksawng zong an ka pek caah ka lawm tuk, cun a nuamh zong ka nuam tuk . Zuam nak chungah a herh mi le harnak, cun National costume ka ngah khawh mi zong hi Laimi phun hña nih na ka dawt tuk caah a si, ka lawm tuk ” tiah a Facebook page ah a langhter. The Chin Post

Thawngpang dang relchap : US Ummi Chinmi Ca Tiang In Thawngpang Tha Taktak A Phan Than Hih

Kahh! Thawngchia lak ah thawngṭha taktak a si. Us ummi kha cu rel loin lanh tak bak lo ding, Chim cio u. Nan chungkhat hna i thanh c io u hi. Ngakchia Bawmhnak (Child Tax Credit) pek dingmi cu July 15 in pek a si cang lai tiah President Biden cozah nih tuchun Nikhat ni, May 17 ah thawng an thanh/phuan cang.

Zeizat dah pek a si lai? A tam bak. Kum khat caah kum 6 tang ngakchia poh $3600 pek a si lai i kum 6 -17 kar ngakchia poh $3000 pek a si lai. Kum 18 poh $500 (voikhat lawng) pek a si lai i kum 19-24 kar college a kaimi zong $500 (voikhat lawng) pek ding a si ve lai. Kum khat phaisa hmuhmi (income) minung pakhat nih $75000 or nuva hmuhmi $125000 naak tlawm a simi fale/ngakchia poh nih hi bawmhnak hi hmuh a si lai.

America rammi chungkhar million 39 hrawng nih an ngah/hmuh lai tiah IRS nih an ti. Zeitin dah an pek/kuat lai?Kum 17 tang ngakchia poh hi tu kum 2021 caah voi 6 kuat a si lai i voikhat kuat ah ngakchia kum 6 tang $300 le kum 6-17 kar $250 cio) in kuat a si lai. Tahchunhnak ah kum 6 tang ngakchia fa pa 3 a ngeimi cu July 15 in December 15 tiang thla chiarte $900 lengmang pek a si lai ti nak si.

Kum 6-17 kar ngakchia a ngeimi zong thla chiarte minung pakhat nih July 15 in December 15 tiang $250 lengmang hmuh ding a si lai. Kum 18-24 kar tu cu voikhat (one time) ca lawng $500 cio pek ding an si lai. Kum 2022 i pek dingmi cu 2021 Tax Return tuah tikah thla 6 ca a tangmi hi pek chih te ding a si lai. Tutan 2021 kum cu fa tam a ngeimi pawl thluachua hmuh kum ah phuan khawh si.

Khah! Hi tluk bawmhnak tam hmuh tikah hin maw cheu 10/1 pek le ram le miphun ca i pek/thawh ding philh sual lai ucih. Philhter phun zong um te hlah seh. Pu Baiden zong thlacam piak philh fawn lo ding si lai cu. Fa tampi a ngeimi hna nan thluahchuah hrawmpi pah le lawmhpi pah in atulio kan ram kong i siivangh buin ka van in ṭialpiak ta hna. Vanceuuk Khenglawt

Be the first to comment

Leave a Reply

Your email address will not be published.


*