Mizoram-Myanmar Ramri Tiva Ah Thil A Cangmi Cu Ngeihchia Tuk A Si ee , Minung(2) Nunnak A Liam i Pakhat Cu A Luat Than

May ni 20 chun nazi 11:30 hrawngah Mizoram Myanmar ramri tiva ah minung pa 2 an tla i an nunnak a liam tiah theih a si.Mimbung khuami minung 3 cu Tuisa tiva ah pum an i cit i an i chuahsual caah nunau 2 le pa 1 an si tiah theih a si.

Nutung pakhat kum 28 mi Ngaimuankim cu pawngkam i ummi pu Sonmuana kum 29 nih cun a rak chanhmanh. A sinan tlangval Chinmuankim le pu Chinrohlun kum 31 cu vanchiat tukah an chanh kho ti hna lo i an thi tiah theih a si.

Anunak liammi Chinmuankim cu a hawipa Ngaihmuamkim cu cengkol char dingin le ngate kawl dingin tiva ah an kal i pu Sonmuamna cu leithanel kawlin a chuakmi a si i a nupi le a fa te pathum cu a thih tak hna. Khuachung mino le pa pawl cu an pokchuak colh hna i si khawh chungin an kawl len hna hnuah chun nazi 1:30 hrawngah patungno Chinmuankim i ruak cu hmuhkhawh a si.

Zaanlei nazi pa 3 hrawngah Pu Chinrohlun i ruak cu an hmuh colh i zinglei nazi 11hrawngah a duak an vui colh hna. An i teihnak hi lam 3 hrawngtluk a thukmi ah a si i zeiruangah dah an i teih timi le an i pah timi hi theihkhawh a si rih lo

Be the first to comment

Leave a Reply

Your email address will not be published.


*