Myanmar Dollar (MYD) ti mi Digital tangka thar (Cryptocurrency) a chuak

Myanmar Dollar (MYD) ti mi Digital tangka thar (Cryptocurrency) a chuak

Atu nawlngeihnak chuttu SAC phu tangka umtuning a tlai khotu Myanmar Dollar ti mi Cryptocurrency digital tangka a chuak i Cryptocurrency ti mi cu online tangka kuat/cawih/hmannak lawng ah hman mi a si, tiah tawlreltu hna nih an thanh.

Myanmar ram ah a pakhatnak bik digital tangka cu atu hi hman hram an thok i an zuar pah cang fawn.

“Myanmar Dollar cu 2021 March thla hrawng khan tawlrel hramthok mi a si i SAC phu le Central Bank nih tlaihhip khawh lo ding in kan rak i zuam mi a si.

SAC ralbawi nih duhpoh tawnghtham khawh lo ding kan duh i an kut in mizapi kut cung ah chanh kan duh. Cucaah atu Myanmar Dollar hi kan rak tawlrel mi a si,” tiah tawlreltu nih an chim.

MYD hi tangkathlennak kong zong ah cazin kan chiah khawh lai i tangka a zuar le a cawk umtuning in MYD man a tum le a kai a um ve lai.

Atu hi cazin an pek ning ah US $ 1 ah MYD 32 si ding in exchange ahcun cazin an pek tiah theih a si.

Hi MYD tawlreltu hna nih MYD 100 Billion in an i timtuah i cu chung ah zatuak 55% cu Myanmar rammi sin ah a a thek/phan lai i 25% cu NUG cozah le zatuak 20 % cu Volunteers phu sin ah a phan lai tiah an chim.

Hi MYD tawlreltu nih NUG cozah kan pehtlaih hna nain kan pehtlai kho rih hna lo. Cryptocurrency hi American tel in ram dangdang nih cun an hman cang nain Myanmar ram tu ahcun NLD chan khan Central Bank nih a rak cohlang lo, tiah DVB nih a tial.

The Hakha Times

Be the first to comment

Leave a Reply

Your email address will not be published.


*