Myanmar Hlasakthiam Raymond A Thih Hnuah A Fala In A Sungte Pawl Ting 3 A Hal

Myanmar music band lar pakhat Idiots ih hlasaktu bik hlasakthiam Raymond cu June 23 zingah a relhnak tlangpar ralthuam kai hmunah pumpi natnak in a thi. Amah cu ralkap uknak dokalh in lamzawh duhphorhnak rak nei dah a si ruangah ralkap in kai dingin thu an suahmi a si ih tlangpar ralthuam kai hnenah a relh.

A relhnak hmunah a caan dik in rawl an ei thei lo tlunah rawl ei lo caan an nei tam tuk cu a pumpi in a rak hua tukih pumpi naa in June 23 zingah a thi. A thih hlante ah a ngaihzawngnu cu tangka ting 3 kuat dingin a rak simih a ngaihzawngnu cun amai bulpak tangka ting cu Raymond a rak kuat. Cumi cu Raymond a thih hnuah a ngaihzawngnu in Raymond naunu hnenah a dilsal ih Raymond naunau cun a relsuak.

Hlasakthiam Raymond cu June 23 ah vui fel zo a si ih an vuinak karen ramkulh ahcun amah hringtu a nu le a unaunu cu an feh. Cumi tum khalah a ngaihzawngnu cu a rak feh lo ih mipi mak ti a hlawh zo. Cumi hnu reilo ah Raymond hnenih ting 3 a rak pekmi cu a naunu hnenah a dilsal. Raymond naunau Lapyae Gabrar cun “Ka u cu ting 3 in a zuar men a si” tiah mak ti zetin a thlah.

Thuhla cipciar an sut tikah Raymond in a thih hlante ah thil einak hrang tiin a ngaihzawngnu tangka ting 3 a rak dil ih a ngaihzawngnu khal in a rak kuat cu a thih hnuah a ngaihzawngnu cun Raymond naunau hnenah a dilsal. Cumi khal, Raymond hngilhlonak hrang online in tangka an thawh ciamco cu a ngaihzawngnu in a rak it ve si ding tiah an ti.

Raymond ngaihzawgnu Katherine khal a relfiang aw ve ih ,tangka ting 3 cu ka dil lai ka thei lo nan, Raymond ih phone cu ka dil ngai. Cumi khal kan pahnih zuk le video lak ka duh ruangah nikhat hrang ka dilmi a si tiah a ti. Asinan, Raymond vuinak hmunah a feh lo thawn a naunu ih thusak cu mipi in an zum sawn ih Katherine cu an mawhthluk zet. vapualauaw nih a langhter mi chungin kan van char chin mi a si

Be the first to comment

Leave a Reply

Your email address will not be published.


*