Nahau Tlang le Lungphun Tlang ah SAC Ralhrang nih Landmine an Chiah, Khualeng Chuah Len Lo Ding in Khuami an Fial Hna

Nahau Tlang le Lungphun Tlang ah SAC Ralhrang nih Landmine an Chiah, Khualeng Chuah Len Lo Ding in Khuami an Fial Hna
—————–
Hakhathar, Nahau tlang le Lungphuntlang ah SAC ralhrang nih Landmine pawl an chiah hna, tiah thawng kan theih. “May 23 chun sml. 11:00 hrawng ah SAC ralhrang nih Nahau tlang ah Landmine an chiah hna. A tlawm bik 30 cu an chiah lai,” tiah minung pakhat nih a chim.

SAC ralhrang nih nizan ah Nahau tlang hrawng ah a ummi khuami pawl an pumh hna i khualeng chuah lo ding zong in bia an chimh hna. Minung pakhat nih, “Nizan pumh ttin pah ah ralkap nih lam a kan kham. Nan hnu kan chi u tiah a kan merter i, kan hnu kan chit hna karlak ah zeidik an tuah kan thei lo,” tiah a chim ve.

Nihin May 24, zaanlei sml. 4:00 zong ah Lungphun tlang, Hlawhtling Thlacamnak thlanglei ah SAC ralhrang nih Landmine pawl an tarh tthan hna, tiah mit in a hmutu minung pakhat nih The Chin Journal ah a chim. Kan hnu zarh zong ah Hakha khuahriang hmun cheukhat ah SAC ralhrang nih Landmine pawl an rak chiah cang. Atu tiang ah cun SAC ralhrang nih an chiahmi Landmine a puak timi thawngpang theih a si rih lo. The Chin Journal

Be the first to comment

Leave a Reply

Your email address will not be published.


*