Ngaih achia tuk Bak Ko, Khuaruah Tam le Zaangfak taktak bak si, A ruak Thut dih Cikcek Hnu Lawng Ah An Hmuh

Shan ram Kutkhai No. 5 vengah a um mi biaknak lei cawnpiaktu Zau Lum cu meithal he a lu ah an kahnak hma he a ruak an hmuh. Zau Lum hi June 18 zanlei ah cycle a chuak mi cu inn a rak tin ti lo caah a tlau ah an ruah hnuah Kutkhai, Palong thlanmual pawngah caw conghtu pa nih a ruak a hmuh.

A ruak an va hmuh ah a kut pahnih cu a hnuleiin khih a si i a lu ah meithal he kahnak hma a pu. A tak pum in vuaknak hma a um. Commando thuam an hruk ter. A cycle zong a pawngah an chiah ko. An hruk ter mi thuam hi amah ta a si lo. Biaknak lei cawnpiaktu pakhat a si i sualnak a tuah zong kan theih ballo. Zeiruangah dah an thah, a ho te nih dah an thah tih kan hlat lio a si tiin a chungle nih an ti. #KLM RF: The Chin Post

thawngpang dang : Vawleicung Bolung Chuihthiam Minthang “Maradona” Thihnak Kong ah Buiafiang Theih A Si Cang

Vawlei cung i Football minthang Diego Maradona cu 2020 November thla ah khan lungthat lo ruangah a thi i a thih ruangah hin Argentina ramchung pinah vawlei cung Footballer hna nih cun an sian lonak cu an chim len hna. Kum 60 a tlinnak ah hin thla 1 te lawng ai duh.

Maradona cu a thluak ah thisen a luh caah Surgery tuah piak a si i ni rau lo hnuah a thi ti theih a si. Footballer minthang tukmi a thinak ah hin thil hlat deuhmi le mithiam deuhmi pawl nih cun a thihnak ah hin bia tam ngai an chim i a caah a herh ningin le a duh ningin thil an tuah piak lo caah a si ko lai tiah chim ceihmi a tam len tiah theih a si.

A thihnak ah hin a lawyer pinah a chungkhar pawl zong cu an i lungsak kho bak lo i investigation kal pi colh a si i Maradona zohkhenhtu nurse cu biahal a si khawh bakin minung 7 cu tleih colh an si tiah theih a si. Madrid lawyer Rodolfo nih cun amah a zohkhenh tu Doctor pa nih cun a ngeihthat tuk ruangah a that tiin a chim i hi kong hi june 16 ah khan Reporter te hmai ah a chim i Diego cu an thahmi a si tiin a chim.

Maradona nih hin thin’ lung le kal lei that lonak a ngei ti theih a si i kan hnu thla dih cangmi ah khin medical expert panel 20 hrawng nih cun Argentina police prosecutor thithruainak tangah thil cangmi cu an hlat colh i Maradona ai zohnak cu a mumal lo tuk tiin an chim i a medical team te nih cun a damnak ding caan tha cu vanchiatnak ah ai chuah ko tiah thawngpang zong an thlah.

Be the first to comment

Leave a Reply

Your email address will not be published.


*