Ngaihchia Taktak Si Ko Mu; Chin/Khumi nu pakhat cu nihin May 20 zinglei ah khan tlaihhrem a si

Yakhaing ram Bithidaung No.1 sang, Gandarri ralzam umnak hmun ah a um mi Chin/Khumi nu pakhat cu nihin May 20 zinglei ah khan tlaihhrem a si tiah an chungle sinin theih a si. Tuzing ah ka fanu he kan umnak nitlak lei mengkhat hrong ahlatnak ah lo vat dingin kan kal lio ah mahtin kan tong mi a si tiah a nu nih mahtin hin a chimh.

“Ka fanu he Lo vat dingin kan kal. Ni a rak linh deuh caah ka fanu nih chihkhat te i din rih hna sih a ka ti i ka fanu cu lo taw lei thingkung tangah a va dinh. Sau a rau lo, a au thawng ka theih le cangka in ka va zoh tikah Kalapa pakhat a pawngin a tli mi ka va hmuh” tiah a ti.

Thil thalo a tongmi Nu hi kum 27 a si i, a nu hi kum 65 hrong a si tiah an ralzamnak hmun in phungki pa nih a chimh. “Thil si ning a kan chimh le cangka in Taungpasa sakhan ah ka va report colh ve. Sakhanhmu nih siisit a hau a ka ti caah siisit dingin Buthidaung siizungah a nupa le palik pawl he an kal” tiah a ti.

Mah kong he pehtlaihin Ralzam umnak hmun ah a um ve mi U Maung nih “kan umnak ralzam camp a um mi pawl hi bawmhtu kan ngei huahua lo, Cozah le bu cheukhat a kan pek mi te lawng a si. Kan hnulei Tainghmu a rat lio ah Alu le zeimaw tuktak a kan bawmh mi long kan ngei. Mah bantuk a si caah lengah rian kan tuan, Lo zong kan tuah” tiah a chimh.

Gandarri ralzam hmun ah hin chungkhar 206 le Minung 1200 hrong an um tiah theih a si. Crd: The Chin Post

Be the first to comment

Leave a Reply

Your email address will not be published.


*