Ngakchia kum 11 minung nih hibantuk lungput ngeih khawh hi a fal taktak si

Mi tampi nih kan tluk lo mi ngakchia pa Daniel Vanlalrinawma. Thawng theih bantukin ngakchia te a si rih, kum 11 minung, nain upa lungfim nih a lungthin put hi tluk awk a ttha lo, khuaruah zong ahar ter zeicatiah phaisa a khon mi chun tein Mizoram Covid-19 zawtnak a ngei mi cu a hluut dih hna.

Hi pa ngakchia te tuahsernak nih a langhter mi cu a tam le tlawm kha si loin zeibantuk lungthin dah a ngeih timi deuh hi a si. Upa lungfim nih hibantuk ruahnak lungthin a ngeimi kan tlawm lai dah. The Chin Journal nih a langhter ning ahcun ti hin a si “Kum 11 lawng a si rihmi Mizo ngakchia pate Daniel Vanlalrinawma nih Mizoram COVID-19 dohnak ca ah tangka aa khonmi dihlak (Rs. 885) a hlut. Hi ngakchia pate hi Aizawl khua, Hualngohmun sang ah a ummi a si.” ti’n a langhter. Credit: The Chin Journal

thawngdang : Zei Sualnak A Tuah Lo Mi Lam Ah Tha Tein A Kal Ko Mi Cu Ralkap Nih An Thah E A Poi Taktak Si

Zeihmanh sualnak a tuah lomi lam a kal sawhmi an kah thah hna. Minung pathum an si i a thimi pa hi a lu ah an kah i a thi hi a si. An nih pathum hna hi zan ah lam an lem sawhmi an si . A thimipa i a ruak cu Ralkap nih a ruak cu an lak tiah khuami pakhat nih a chim. A thimipa an kahnak hi zahan suimilam 8 pm hrawng ah khan a si. Zeihmanh an tuahmi a um lo nain lampi ah cun an kah i cu ka ah cuh a thi.A ruak cu a hnu ah kan lai ti si.

A thimipa i a min hi Ko Aung Kyaw Moe a si i kum 3o a si . A mah hi fa pahnih a ngei cang. A dang rel chap –2021 kum, May 2 in ni 18 kar ah ralkap council hriamtlai phu le Hakha CDF kar kahdohnak ah ralkap council hriamtlai phu lei in minung 20 nak tlawmlo an thi i, a tlawmbik minung 21 nih hliamhma an tuar pinah Surkhua palek sakhan cu Hakha CDF nih a lak tiah theih asi.

Hi record hih The Hakha Times media nih 2021 kum, May 2 in ni 17 tiang a khomhsuahmi cazin ning in an tarlangmi a si 1nak. 2021, May 2 ni, Hakha khualipi Cawbuk sang kahdohnak ah ralkap council 4 an thi. 2nak. 2021, May 3 ni, Hakha khualipi, Hakhathar sang, chek gate ah an ikah i ralkap council lei in minung 4 an thi pinah minung 10 nak tlawmlo nih hliamhma an tuar.

3nak. 2021, May 4 ni, Hakha khualipi, Myothit sang, Inwa Bank ah ralkap council le Hakha CDF kar kahdohnak a chuah i ralkap council lei in 1 a thi i, 1 nih hliamhma a tuar. 4nak. 2021, May 16 ni, Chuncung khua pawng kahdohnak ah ralkap council lei in minung 6 an thi i, minung 10 nih hliamhma an tuar. CDF- Hakha lei in Salai Van Biak Ling zong a nunnak a liam ve. Salute).

5nak. 2021, May 17 ni, Hakha khualipi, Cawbuk sang, chek gate ah kahdohnak a chuah than i, ralkap council lei in minung 5 an nunnak a liam tiah theih a si. 2021, May 9 ni, Hakha khuami Pu Tler Ling le Pu Khamh Bawi Lian cu ralkap council nih an tlaih i an hrem tuk caah an nunnak a liam. An pahnih ruak cu an chungle sin hmanh an pe duh lo tiah theih a si. 2021 kum, May 14 ni ah Hakah CDF lei in SAC lei ttang Palek bawi 3 le Dalaan 1 an tlaih hna.

An tlaih mi hna cu; 1. U Soe Lwin, Police Chief (State Traffic Police), U Soe Win Than, Deputy Chief of Police (State Traffic Police), 3. Pu Sung Ki, Deputy Chief of Police (State Traffic Police) le 4. U Sai Tun, Dalaan hna an si. Rihkhiahmi caan ah Hakha CDF lei nih an halmi Ralkap council lei nih lehnak an tuahmi a um lo caah hi tlaihmi hna an thawngpang theih a si ti lo. beulahchungkhar

Be the first to comment

Leave a Reply

Your email address will not be published.


*