Ngakchia Tete Nih Biatak Tein An Tuar Ve Cang Lung A Fak Kho Tuk E

Tedim puah keh nak ruang ah hngakchia pahnih hliamhma an tuar … Chinram kulh, Tedim khua , Luaibual sang B.E.H.S(2) pawng ah nihin may 19 ,zaan lei suimilam 5:20 hrawng puah keh nak a chuah ah hngakchia (kum-10) si mi Lian Muam Sang (a nunnak a liam cang) le a dang hngakchia pahnih hliam hma an tuar tiah theih a si.

Hliam hma a tuar mi hngakchia pahnih hi unau an si. Kip Nuam Khai(kum-10) le Kap Lian Khual (kum-6) an si. A upa deuh a hliamhma cu a fak tuk lo na in, a nau tu cu General hospital ah kal pi a si tiah theih a si. The Chin Post

thawngpang dang : Ralhrangbu nih Chemical Hriamnam an hman khawh men; CDF-Mindat

Ralhrangbu nih Chemical Hriamnam an hman khawh men; CDF-Mindat. May 17 Mindat nitlak lei meng 30 le 40 kar CDF-Mindat le ralhrangbu i kahnak ah ralhrangbu lei nih chemical hriamnam an hman ko rua tiin CDF-Mindat nih nizan ah thawng an chuah.

“Tihni i kah nak ah ralhrangbu lei nih an hmanmi meithal ngan pawl hi voi dang an hman mi he a lo lo. Kanmah lei cheukhat cu hma zong zeihmanh an pu lo nain an lungmit, an ri i an luak chuak, an tha a cat/a der i hruai le put hau in an um”.

Mah bantuk a si caah Mindat nitlaklei i kahnak ah ralhrangbu nih hin Chemical hriamnam an hman rua ti ruahnak kan ngei tiah CDF-Mindat nih a ti. A tu ah Mindat khuachung le nichuahlei cu a dai nain Mindat nitlaklei Mindat – Matupi Mawtaw lampi ah fak ngaiin an in kap cuahmah tiah a chim.

Mindat khua i kahnak a chuah ruangah ralhrangbu nih Mindat cu meithal ngan, meithal hme pawl he an kah, khuachung mipi hna an tlaih, an kah caah minung thong renglo cu himnak hmun lei ah an zam cio tiah theih a si. Mizzima. The Chin Post

Be the first to comment

Leave a Reply

Your email address will not be published.


*