Nikhat Chung Lawng ah PDF Minung (31) Bak SAC Ralhrang nih An Thah Hna Lio , A Rapthlak Ko (+Video)

Nikhat chung lawng ah Debayin peng ah PDF le SAC ralhrang voi 3 tiang an i kap i university kailiomi 6 telin mipi humhimtu minung 31 bak an nunnak a liam.SAC ralhrang lei zong hliamtuar tampi an um pin ah minung 11 hrawng an um ve . July 2,zinglei sml 7 hrawng ah sagaing ramthen,Debayin peng,Satpyarkyin khua pawng ah SAC ralhrang thazang 200 hrawng le meithal thatha a ngei velo mi PDF pawl an i kap .

Hi ikahnak a ruang hi dalaan pawl ruang bak ah a si ko tiah theih a si . Ikahdohnak ah ai tel vemi mino pakhat nih cun “ralhrang tamtuk nih kan khuachung ah an kan luhhnawh ruang ah kan dirhmun kan i theih ve i hmundang tu ah kan chuahtak hna i kan kianh hna. Kan kianh hna nak hmun kan phak bak cun ralhrang pawl cu kan umnak hmun bak ah an rak phan ve colh i , dalan pawl ruang ah a si bik ko “tiah a chim .

Zingtho bak in an i kap i ralhrang lei nih cun hriamnam thatha in anthuat hna i PDF lei tu nih cun anmah serchom mi hriamnam tein an doh ve hna.Minutes 30 chung an i doh hnu ah ralhrang lei minung 4 an thi i PDF lei minung 8 an i hliam ve .Zinglei an ikahnak i PDF lei hliamtuar pawl chanh dingin chun 12 hrawng ah PDF lei nih hmai an tor than hna .

Ralhrang pawl cu zinglei an i kah lio i an umnak ah umhmun an khuar i meithal a herhning in an rak i cah cia fawn .Zinglei in hliamtuar PDF pawl cu ramtang hmun pakhat ah an thuh ta hna .Cupawl cu ralhrang pawl nih an rak hawl chih than hna i a hmun bak ah minung 6 bak an va thah than hna .Chun 12 hrawng ah thazang neichun in ralhrang pawl cu an va fuh ve than hna i an sikhawh tawk tein an va doh than hna nain ralhrang pawl meithal le tuahchom mi meithal sawhsawh cu ai thlau tuk .

Voikhat puah ah a dih i a voihnihnak puah duh ah cun timhlamh ngai a hau than mi dirhmun ah an um caah , a voihnihnak an i doh ah hin PDF lei minung tamngai an thi .An hriamnam ai thlautuk ruang ah a donghnak ah cun PDF lei cu hnu an tolh i an hawile a thimi ruak zong an la manh ti lo .July 3 ah miruak a va latu pawl cu an lu bak ah an rak kah than hna i a thimi an i chap ngai than .

Be the first to comment

Leave a Reply

Your email address will not be published.


*