Nizan Mindat , Bukun khua kah doh nak ah rallokap lei minung 5 hrawng a thi, an ruak cu

Nizan Mindat , Bukun khua kah doh nak ah rallokap lei minung 5 hrawng a thi, an ruak cu lam kam ah an phum hña….Chin ramkulh, Mindat peng Bukun khua ah nizan May 21 ah ralhrang rallokap phu hna le CDF mipi veng tu ralkap kah doh nak ah rallokap lei in minung 5 hrawng an nunnak a liam , an ruak zong lamkam ah phum an si tiah Mindat mipi uktu phu nih thawng an zamh.

Ralhrang rallokap phu hna cu Bukung khua ah kal in kah doh nak a chuah hlan ah lam kam khua simi Pingyaw khua ah rit hai si, bing rang hna hmang in kah doh nak ah an cawlcang, rit hai si an hman nak si chunh nak thim le si tlang ,hriam ngan an hman nak a hnawg an hmuh nak kong cu Mindat mipi uktu phu hna nih an ca thanh ah an langhter. The Chin Post

thawngpang dang relchap : Thohkyat khua Duhsein sang ab a ummi Dalan pical pakhat cu mipi nih zahan ah khan Namtong in an tuk i

Thohkyat khua Duhsein sang ab a ummi Dalan pical pakhat cu mipi nih zahan ah khan Namtong in an tuk i fak taktak in hliam a tuar. Thi bak seh tiin an cheih nain a van tha a thi lo. A mahhi Thohkyat ah sandah piah tu mipi hna kha Kawl ralkap sin a report hna. CDM a tuah mi hna le belkheng a tum mi kha ralkap sinah a report tawn hna ti a si.

Cu ruang ah mipi nih canrem cantha an kawl i zahan ah Namtong nih an tuk. Thi bak seh tiah an thuat ko nain a thi hraw lo. Fak ngai in hliam a tuar i a tu hi ralkap sizung ah an thlopbul cuahmah lio a si. A ho hmanh ngaih i chiat pi lo le lungfah pi lo si ko seh. Hihi nan khua le nan pengtlang Group ah rak share cio uh.

Tulio kan ram a buai lio ah Kawl ralkap lei ah a tang i Kawl ralkap tabeh a tuan mi poh cu nikhat can khat ahcun an thih ve can a phan te lai. Harnak an ton can a phan cuahmah cang. Cu ruang ah mah bantuk thil kan tol sual tikah a hohmanh ngaih i chiat pi lo le thinlung u fah pi lo si te ko seh. Khuami zong nih nan ngaih rak chiat pi hna hlah uh. Nan thinlung rak fah pi bak hna hlah uh.

Hi tluk in Kawl ralkap nih an kan khah le an kan thah lio ah anmah ralkap rian a bawmtu le ralkap lei ah a dirmi minung cu nikhat can khat ahcun an hngawng tan can a phan te lai. Cu tikah a khua in maw, a pengtlang in maw kan ngaih chia rak ti lai ucih. Nan chungkhat sahlah an si zong ah ralkap lei ah a dirmi minung cu an thihnak can a nai cuahmah cang.

Hihi nan khua cio nih nan theih a herh. Nan khua cio zong in nan i chimhhrin bak a hau cang. Kunghrinh mi nan um ahcun tha tein kei cu ka si lo tiah nan fianter hna a hau cang. Tha tein nan i ruah a hau cang ko hih. thechinstar thawnglatu sin in van char mi a si.

Be the first to comment

Leave a Reply

Your email address will not be published.


*