NUG nih “Paucaan Thii” Hmakkhat Teah An Zuar Dih Colh

NUG nih “Paucaan Thii” Hmakkhat Teah An Zuar Dih Colh

August 15

National Unity Goverenment nih August 15 in an zuar mi “Nwe Oo Thi” cu hmakhat te ah an zuar dih.

NUG ” အောင်လံလွှင့်ချီနွေဦးထီ” cu August 15 zanlei sml 4:00 in zuar an thok i sml 5:00 ah zuar ding a dih lak in an manh dih.

Sml pakhat le cheu chungah nikhat ca zuar ding an chiah mi cu an zuar dih. Ni dangah cawk khawh rih asi lai tiah website in an thanh.

” Tuni cu a nikhat nak ni a si caah 50000 lawng zuar kan timh. Pakhat ah 2000 si i, sing thongkhat man, nidang ah tamdeuh in zuar khawh ding ah kan i zuam lai, ralhrang kan tei hna hlan lo kan zuar lai caah mizapi hna lungsau tein le mizapi himbawm tein tangti hna usih” tiah NUG tutlai pakhat U Tin Htun Naing nih a chim.

” Nwe Oo Thi” cu zing sml 10:00 in zan sml 10:00 tiang facebook page messenger in cawk khawh si lai. A poh tu nih ” lak/hlut” khawh si lai.

Pakhat ah 2000 si lai i a tlawm bik 5, a tam bik 50 tiang thap khawh asi lai.

Zuar mi chung in 70% cu CDM caah si lai, 30% cu a poh tu laksawng asi lai.

Ref:MizzimaNews
The Chin Now
===

Myitkyina Tilian Harnak Tongmi An Bawmh Hna

Myitkyina khua, Rampur sang, tilian ruang ah um kal nak ai harh mi mipi hna cu August 14 ah Alinyaungthit phu nih eidin an va bawmh hna tiah kan theih.Rampur sang inn cheukhat hna ah an herh mi eidin an va bawmh hna kong Alinyaungthit phu hruaitu pakhat nih a chim.

“A cheu cu hngakchia he an si hna caah umkal nak an i harh,eidin zong an tlamtling lo, meh tuah ding tete an herh ngai, kam dang zong ruahti lian ruang ah harnak kan tong tawn” tiah a chim.

Inn 26 ah anhringso, balachaung caw, Pawnghmuk, khauhsuai car, ngapih le a dangdang pin ah sii-ai zong an hlut chih tiah a chim.Tu kar ruah fak piin a sur peng caah Rampur sang tilian a chuak i, inn zeimawzat phum tiah kan theih.

Ref:The74Media
The Chin Now
====

Taungoo Ah Duhlonak Langhtertu A Kap tawntu Palek Bawi U Win Tan A Thi

Bago ramthen, Taungoo peng, ralhrang uknak duhlonak langhtertu, a kap tawn mi palek bawi U Win Tan cu August 14 zan ah, thawdawp kho loin a um i, a thi tiah kan theih.

A nupi zong Covid zawtnak in nai te ah a thi i, a mah zong thawdawp ai harh in a lung a dir caah a thi tiah kan theih.

“A nupi hi Covid in a zaw i a thi, a rau lo, a tu a mah zong a thawdawp hman lo i a thi” tiah khuami mipi bawmtu phu pakhat nih a chim.

U Win Tan hi ralhrang nih uaknak an lak hnu in, Taungoo palek sakhan ah a rak i thial, Palek rian sang a tlai cuahmah mi a si tiah a mah he neihniam pakhat sin in kan theih.

Ref: Ayeyarwaddy Times
The Chin Now
=====

Ralhrang Le Kareni Hriamtlai I Kah Nak Ah Rallokap 5 Thi, PNO Zong A Thi An Tam

Shan(south)ramkulh, Pinlaung  peng, Pinpon le Lwe Hwe  khua karlak ah, Karenni hriamtlai phu le ralhrang i kahdoh nak ah rallokap 5, PNO lei in paruk hrawng an thi tiah kan theih.

Ralhrang nih Pekon in mawtaw 35 in an ra i ralhrang thazang an chap hna. August 13, Demoso khua hna ah ralhrang an rat caah, KNDF he an i kap, a thi mi le ai hliam mi cazin cu an thanh lo.

Ralhrang an rat nak khua chung hna ah hriamngan an puah, khuami cheukhat an hrem hna, lamchim tu ah an hman hna tiah KNDF sin in kan theih.

KNDF nih hmunkip hriamtlai phu hna he fonh in mipi runven nak caah ralhrang le an kuttang um PNO hna, a donghtiang kan doh hna lai tiah KNDF nih an thanh.

Ref:KhitThitMedia
===

Ralhrang Rianpek Puhlaw Khuabawi Meithal Kah Tong

Tanintharyi ramthen, Myait peng, Puhlaw khuachung ralhrang nih rian pek mi khuabawi U Thet Naing cu August 14 zan sml 10 hrawng an meithal in an kah i ai hliam tiah kan theih.

“Zan ah meithal thawng voihnih kan theih. A thawng thang ngai. Ambulance zong a rak phan, an kah mi cu khua nurse sayamah Mya Aye nih ambulance a auh piak khawh zok caah a nunnak a him nak a si” tiah khuami nih a chim.

Meithal kah nak ruang ah khuabawi U Thet Naing a hngawng ah hmunhnih, a liang ah hmunli, a keng ah hmunhnih ai hliam nain a tu cu a holh zong a holh kho cang tiah kan theih.

Ralhrang rian khinh mi khuabawi U Thet Naing inn ah a luan cia July 5 zong ah kuthlonh bom in an puah bel cang tiah khuami sin in kan theih.Voikhat bak inn bom puah lio ah khuabawi U Thet Naing nih riandinh nak ca a tin nain a tu tiang khuabawi rian a tuan rih ko tiah kan theih.

Ref:MizzimaNews
The Chin Now

Edit : Hmanthlak hi cu a dang asi

Be the first to comment

Leave a Reply

Your email address will not be published.


*