Nupawl An I Kholh Lio Bak Ah Ralkap Pa Nih A Luh Hnawh Hna I Thil A Van Tuah Lio Bak Ah

Ralhrang rallokap pakhat nih Sagaing Ramthen Kani khua pawng ah aa kholh lio mi nu pawl zoh dawhlo thil a hmuhter hna caah Palek pakhat nih meithal in a kahthah.Sagaing ramthen Kani khua chuahlei Shanmiawng hlei pawngah May 28 zaanlei ah a puakmi a um hnuah aa kholhmi nu pawl cu zoh dawhlo a hmuhtertu ralhrang rallokap pakhat cu palek pa nih meithal in thi lak a kah.

Hi thilcannak an va zoh hnu ahhin ralhrang nih hriamngan in an kah nain hliammi an um lo,Shanmiawng ah ti aa kholhmi nu pawl cu rallokap pa nih zohdawhlo a hmuhter hna,mah cu palek pa nih tuah lo dingin a thloh i bia al nak a chuak i palek pa nih meithal in a kah i sii-inn an phanh pi hnu ah a thi tiah khuami nih an chim.

Kani peng ahhin mipi vengtu ralkap le ralhrang i kahnak a um tawn caah ralhrang thazaang an chapnak a si. Ralhrang nih Kani peng khua cheukhat cu phunglam um lo in an tlaih hna,an velh hna,an thah hn nak hmun zong a si. Credit: The Chin Post

Thawngpang dang : NUG le CNF kaphnih Lungtlin min thut nak an tuah…

NUG le CNF kar nawlngaih nak latu rallokap uk duhlo dohkalh nak ding le federal democracy karhlannak kaphnih kar lungtlinnak cu nihin (May 29) ah min an thut. Cu lungtlinnak ahcun NUG cozah le CNF kar ,pakhat le khat lungtlin pinak ,i upatnak in ralhrang uknak doh ding le federal democracy karhlanbak ah hmunkhat dir tiin , riantuan ti nak le zeidang a herh mi kong zong ah hmunkhat rian tuan ti ding.

Kaphnih lungtlinnak cu (NUG) lei in kawlram vice president Dowalah Shilah le Union minister Man Win Khine Tan , Minister of foreign Affairs , Secretary of defense (CNF) in Chairman Pu Zing Cung , vice chairman hna le chungtuan hna nih min thut nak an tuah.

Be the first to comment

Leave a Reply

Your email address will not be published.


*