Paletwah Ah Tlaihmi Mi 5 Hna Kong Le Thawng Dangdang.

Paletwa Ah Tlaihmi Mino 5 Cu 505(A) In Tazacuai An Si Kan hnu May 28 Paletwa ah bomb voi 2 a puah ruangah an tlaih mi hna chungin mino 5 hna cu rampi hmaichiatter tu tiin pohmah 505(A) in Paletwa biaceihnak zungah tazacuai an si.

Hi ni i bomb a puah ruangah mi 20 renglo an tlaih hna i, midang cu an chuah dih cang hna nain gi hna 5 hi Rakhine ram lei ah an hruai hna hnuah nai ah Paletwa ah an rak hruai than mi hna an si.

505(A) in taza an cuai mi hna hi Ko Ai Htun Min (Sanphu company ngeitu), Hlasakthiam Ai Htun Min, Tit-taw riantuan Ko Ai Htun Min, U Ya Kyaw le Ko Aung Htun Soe hna an si. Hi hna panga hi Paletwa biaceih zungah an kong an ceih lio a si tiah theih a si.

Anmah kong he pehtlaih in Paletwa peng biaceihbawi nih “bomb puahnak kong he a pehtlaih mi an si hna lo, zumhlonak he lamzawh dingah an lemsoi hna caah le phaisa an khomh ruangah a si” tiah a ti.

Tazacuai mi ah a tel ve mi Phu Company ngeitu Ko Ai Htun pa U Chit Htun nih; bomb puah mi le ka fa hi i pehtlaihnak pakhat hmanh a um lo. Phaisa kuat hna kan tuah caah an zumhlo mi a si. CB bank in ka fa hi phaisa kuatnak a tuah mi a si.

mah caah an tlaih, ka fa nih sualnak a ngei lo” tiah a chim.Mino 5 hna hi an tlaih hna hnu ah Paletwa in Sittwe ah an kalpi hna hnu ah July 11 ah Sittwe palik sakhan in Paletwa palik sakhan ah an kuat than hna.

The chin post.
==

Thawngdang relchap.
Kawlram ralkap uknak kongah Aung La Sang nih a ngaihchiatnak alanghter than. A ngaihchiatnak a ruangbik hmanthlak avun langhter chih. Mipi nih covid mizaw caah Oxygen thun dingin an itlar lio, phaisa ATM ah aa tlarmi le covid mithi ruang pawl a vun tar.

Aung La nih a chimmi cu, Myanmar uknak nih fak piin ka ngaih a ka chiatter. Mipi hi kan dihlak in hmai lei kongah chunmang le timhtuahnak a ngeimi lawngte kan si. Nain cu vialte cu khuamui nih a khuh dih. Myanmar caah thlacam hna usih tiah ati .

Daily Star News.

Be the first to comment

Leave a Reply

Your email address will not be published.


*