Pathian Bia I Hrawm Hna Usih Muh

July16:TCP Baibal Caang

Maw a ka Vengtu, nangmah cu kan thangthat lai;Pathian cu ka ralhruang na si, a ka dawtu Pathian cu ka himnak na si.
(SALM_59:17)

Repchap
Micheu cu nangmah na si caah na chimmi bia kha al an duh khun lai ..

Micheu cu nangmah na si caah a hman tiah na chim mi bia hmanh kha, al an duh rih lai …

Micheu cu nangmah na si caah na thatnak an chim hmanh ah khan, mi thalo hmuh in an in hmuh lai …

Micheu cu thiltha na tuah ko zong ah khan, a thatlo nak in an in mer piak lai …

Micheu cu nangmah na si caah dawtnak bia hmanh chim law, huatnak ah an mer rih lai…

Pathian bia kha chim in tial hmanhlaw nangmah na si caah micheu nih cun an rel duh in, a tha an ti kho lai lo …

🟡Cubantuk thatnak in hmuhpiak khawh lo mi na si ahcun, va lawm ko . Zeicahtiah thluachuah nak cu na sin ah rat a duh caah a si .

#The Chin Post
==

Relchap
BAWIPA telpi lonak le hnatlakpi loin, teinak le miaknak hmuhnak hna nakin, BAWIPA telpi hngalhpi bute i sunghnak hna tu hi kan nunnak caah thluachuahnak le daihnak an si.

Zeicahtiah, BAWIPA lo cun zeizong vialte hi pakpalawng an si dih lioah, BAWIPA he cun zeizong vialte hi miaknak a rak si.

Isaiah 57:1-2
Mițha kha an thi, Sihmanhselaw an thih cu ahohmanh nih zei ah an rel lo, a hngalh hmanh an hngal lo. Asinain an thih ah khan harnak nih fahnak a pek khawh ti hna lonak hmunah an kal a si. Nuncan țha in a nungmi nih cun thihnak ah khan daihnak le dinhnak an hmuh.

Rom 13 1-2

PATHIAN hnatlaknak tel loin ahohmanh uktu bawi an si kho lo. ( Absalom kha BAWIPA nawl loin David uknak a cuhtu a rak si )

Nawl a ngei lio mi hna a dohtu cu PATHIAN nih si seh tiah a timi a dotu an si i cu bantukin a tuahmi nih cun an cungah biaceihnak an i tlunter lai. ( Absalom cungah PATHIAN biaceihnak cu a phan taktak; cucaah Absalom cu David sal le hna nih an thah )

Kolose 2:20
KHRIH he nan thi ți cang. Cucaah van le vawlei a uktu thlarau hna sin khan nan luat.

Biahalnak le bialehnak.
Biahalnak: Saya Tluang thih na țih maw?
Bialehnak: KHRIH sinah ka thi cang. Ka chungah KHRIH a nung. Atu tisa i ka nun hi zumhnakin ka nung.

Ralkap nih uknak an lak hnuthokin Chinmi cungah a tlungmi hi rak ruat ve tuah u. PATHIAN rianțuantu tamtuk an thi cang! Uknak lak hlanah an thi rih lo. Covid lawngin an thi lo, Covid lo zongin tampi an thi. BAWIPA nih a tuahmi a si hih!
Khrihfabu le thlarau lei hruaitu vialte kan cungah BAWIPA aa lawm lo ti a fiang ngai ko. Damnak le luatnak kan hmuhnak hnga BAWIPA sinah kir hna usih. Kan lungțhum hna usih, kan lam țhalo in i mer hna usih. BAWIPA Dawtnak fek cu a dong lai lo.

BAWIPA PATHIAN nih a rianțuantu tampi, Pastor, Evangelist le zumtu hna hmanh a zuah hna lo i an nunnak a liam thluahmah ahcun, PATHIAN zei i a rel lomi, zumlotu, țhatlonak a tuah lengmangmi hna chinchin cu, dantat lo le biaceih loin an luat hrimhrim lai lo.

An caan a phan ve lai. Zeitluk țih nung dah a si te lai!

Kan BAWIPA nih a thok cang i a liim tiang a tuah ko lai. A liim tik ahcun, Thluachuah a kan pek țhan lai.

BAWIPA Zaangfahnak nan cungah um ko seh.

#Crd, Saya Tluang Lian

Be the first to comment

Leave a Reply

Your email address will not be published.


*