Pathian Hi Hodah A Si, Tikha Bible Lawng In Hngalh Khawh A Si.

Pathian Hi Hodah A Si? Tikha Bible Lawng In Hngalh Khawh A Si.

Moses, cu Bawipa nih nawlbia a pekmi le “Bawipa nan Pathian lawng kha nan biak lai a tiah chimhmi kha a si.. Exo 23:25.
Abraham cu, “Na ram le na rualchan le na innpa kha chuahtak hna law kan hmusak laimi Ram ah kal, tuah timi kha a si. Genises 12:1.

Cun, Abraham nih Beer-sheba ah Thingkung pakhat a phun i, cuka i a biakmi cu “Zungzal Hmun Mi Pathian” a biak ti a si. Genesis 21:33

Abraham nih a biakmi (Zungzal Hmun Mi Pathian) kong cu profet Hotal nih, an ṭial ti hnga maw, tiah tlapkhat hnu tlapkhat in kan hun tikah, profet ngan a simi nih, “Zungzal Hmun Mi Pathian, ti-in aa ṭialmi cu Isaiah 9:6 ah kan hun hmuh ṭhan .

Cu Zungzal Hmun Mi a simi kongah profet nih, kan caah ngakchia pakhat a chuak, a ti nain amui a hmuh a si rih lo. Amah cu hodah a si? tikha a tanglei bangin a fiangte lai. Amah cu ngakchiate, asinain sinak ngan-ngan a neihnak kong zong a phuan chih. Cucu hodah a si hnga?, tiah tlapkhat hnu tlapkhat in kan hun kau lengmang tikah, Abraham in David tiagah chan hleili.

David in Balilon sal i an tan tiangah chan hleili. Sal i an tan i a chan hleili donghnak bikah, sinak ngan-ngan he a ra chuakmi ngakchiapa mui cu a hung lang cang i, amin ah JESUH tiah sakmi hi a si. Matthai 2:1.24.

Ngakchia semte a si ko lio le puan in hlawm mi a si ko lioah, mifim hna thinlung chungah biak duhnak cu a khah in a khat, a hiar in an hiar cang i, an umnak Nichuahlei ram in, an ke kaar cu an hun hlaan i, Nitlaklei ramah an hun fuh. A chuahnak hmun an hun phanh le cangka in, Naute hmaiah, nau tatnak le i fahsaknak zeihmanh nei loin, Mary nih a pom cungin an khuk an i bil i lungdiriam tein an biak colh. Culawng a si lo laksawng ngan-ngan zong an pek chih. Matthai 2:11. Hlleiluijah Amen!

Hawi nih biak duhnak lungthin le laksawng he Naute Jesuh an kawl lio ah- Khatlei in, “Hriam le Naam he a kawltu phukhat an rak um ve. Herod nih ngakchia chuahnak cu va hlat ulaw nan hmuh tikah ka chim ve u, ka bia ve lai ai ti ter.

Anih nihcun upat hmaizah pek le cawisan i, khuk i bil in biak kha ai tinhmi a si lo. An i tinhmi kha a ṭhat lo cale Jesuh dohnak duhnak lungthin he ai kawl tertu an si caah, “Josef le Mary nih Izipt ram ah lo diam in an tlik pi i, an tong kho lo i, an hmu kho lo.

Jeremiah 29.13 ah titin a chim cia, “Nannih nih nan lung dihlak in nan ka kawl tikah, Keimah cu nan ka hmuh lai a ti bang khan, “Biak duhnak lungthin taktak he a kawlmi, mifim hna nih, “Jesuh cu an ton, an hmuh i lungdiriamte in a va biak khawh. Amen!.

Mifim lawngnih an bia maw? bia hlah e, chuahka in mitcaw nih a mit a dam tikah, “A lungthin a dih umnak in diriamte in a biak ve. Johan 9:38.

Bawipa Jesuh hi a nun lio lawngah an bia maw? bia hlah e, Thlan in a hun thawhka te zongah Mari Magdalin le a dang Mari zong nih lungdiriamte in an biak fawn. Matthai 28:9

Zeizong vialte tlamtlingte in a tuah i rian vialte a lim dih cun vawlei ah um peng awk a ṭhat ti lo caah, Jerusalem khua cun a chuahpi hna i, Bethani khualei ah a kalpi hna. Khika ah a kut a hler i thluachuah a pek ta dih hna.

Thluachuah a pek lio hna ahcun an sin in aa ṭhen i, hmasa i a rak umnak hmun van lei panh in a kir . Cutikah zultu dih nih lungdiriamte in an biak rih. Cun lunglawm ngai in Jerusalem ahcun an kir ve an caan vialte cu Pathian thangṭhatnak caah an hman ti a si. Luka 24:52.

Amui hmuh lomi, “Abraham nih Beer- Sheba ah, a rak biakmi, “ZUNGZAL HMUN MI PATHIAN tiah aa ṭial biafang bantukte khan Amui hmuhmi JESUH kongah, Isaiah nih, “ZUNGZAL HMUN MI PATHIAN a si, tiin a ṭialmi biafang cu aa khat.

Cucaah Moses nih, “Bawipa nan Pathian lawng kha nan biak lai, timi kha aa sehchih, aa rial chih tikah, “Moses nih Sualnak chung i caantawite chung i nuamhnak nakin Pathianmi hna sin sifah in kha aa thim deuh. Messiah ruang i nihzawhnak in kha Izipt ram chawhlawn vialte nakin a sung deuh ah a rel a tihi a si. Hebru 11:25.26.

Cucaah Abraham te hna, Moses te hna le kannih hna i kan Pathian cu JESUH KRI hi a si. Amen!

Pathian cu thangṭhat zungzal ko u sih cu thangthatnak cu JESUH min kanka in kan phuan hi a si a ti cu. Hebru 13:15.
Nan dihlak Bawipa nih thluachuah in pe cio ko hna sehlaw.

Credit – F. Bawi Khamh

Be the first to comment

Leave a Reply

Your email address will not be published.


*