Pathian ser mi thil vial teah hin lung lomh zia kan thiam maw?

Vulei dirh asi ni le thla thei lo hmanh ninglaw, tunai te men ih dirh cu asi lo ti afiang le kan theih ciau ko lai. Kan mah hna pawl hlan piah mi a ting tan nih hi vuleiah can an rak hmang cang ti zong kan theih ciau ko lai.

A hmasa bik minung hnuah minung dang rel cawk lo kan rak chuak țhan .kan zapi tein Vulei ah khuasa in kan um ciau hna. Cutluk minung tam kan um buin Vulei nih a kan celh peng ko. Vulei nih a kan zat peng a kan celh peng. Minung rel cawk lo khua kan sak buhin Vulei nih minung caah tlin lo nak le tlak lo nak a nei rih lo hrimhrim.
A mak tuk dakaw!

Vulei hi Minung ser mi cu rak si sehlaw cu, a si loah a mah tein a rak um mi rak si sual sehlaw cu, kan nun nak ah thil a herh mile herh lo mi pawl nih a zat lo cin le a daih cawk lo can a um lai ih, can rau loah a ek phut ko lai dah! A dih pet hlanah minung nih tin lo lai phan ah voksa cawk ding cuh in i cuh hna kan hau lai le khat le khat kan i that kan nawng hna lai. Hi vialte that lo nak le tlamtlin lo nak um lo tein nihin nitiang kan um khawh mihi a mak in a va sunglawi tuk hringhran.

Mithar an rak chuak țhan , thil thar phun zakip an rak chuak thluahmah chin vima . Mino hna duh herh mi vial te le mikip nih herh mi thil vialte zong nihin nitiang kan hman tawk tein a um zungzal ( i that lo ti a um bal rih lo ) minung kan i chap zat in Vulei nih kan herh mi a chuah pi vima peng ve. Minung nih sermi vulei rak si sehlaw cu kan khuasak nakah a herh bik mi ‘Ti’ hna hi an reu diam cang lai . Sihmanhsehlaw duh tawk in ti kan hman peng bu zongin a reu lo. Ruah zong hi a sur ding a um tilo timi kong theih ding a um hrimhrim rih lo. Dr. Mithiam sang nih Oxygen hna hi a ek nak asau tuk cang lai. Sihmanhsehlaw tuchun nitiang minung rel cawk lo nih ‘Thaw’ ( Oxygen ) dawp ding kan nei peng ko rih. Kan no ah hin a liam in an liam peng ko rih . Hi vialte hi tlangrian kan va tuan chawm in kan hmuh mi an si lo. Minung nih tuah mi an silo.

A hramthawk in vulei pi ai her peng ko. minung nih kan thazang chuah in kan her ter lo nain Ni ceu dawh kan hmuh khawh nak hnga tiin ai her peng ko hih.

#Biatlangkawm
Vulei le a chung um mi vialte hna hi Sertu Pathian nih ser sawhsawh in aser mi asi loh. Minung hna an um nak tlak ding caah a ser. Minung hna nih an herh mi vialte thil hna zong achiah dih hna. Kan nun dam khawh nak hnga ei le din phun tling a chiah dih.
A va sunglawi ve. Vulei har nak le mitthli tlak nak kong lawng kan ruah peng hin cun thih nak tiang a kan phak ter tawn. Asi nain Vulei cungah Pathian nih minung caah thil tha tampi a kan chiah piak mi hna hi van ruat velaw na lungthin a dam suaumau ko lai. Lungthin dam cu Nunkhua sau nak zong asi.
Sertu Bawipa nih Nan zapi caah daih nak le lomh hngangam nak in pe hram ko hnaseh.

Be the first to comment

Leave a Reply

Your email address will not be published.


*