Pauh peng ah rallokap hna bomb in an puah hna minung 100 hrawng an thi

Magway ramthen Pauh peng, Dingkun khua pawng ah rallokap mawtaw cu Pauh PDF phu nih bomb in an puah hna i kaphnih i kahnak a chuah caah rallokap lei in minung 100 hrawng an thi.

 

Nizan August 30 zaanlei ah suimilam cheu hrawng an i kap i Pathein, Mungyua mawtaw lam he meng 10 hrawng a hlat i khuapi tein mei khangh piak a tong mi Kinma khua he a neihnak hmun ah a cang mi a si.

 

Hi kahdohnak hmun pawng ahcun August 28 ni zong ah an i kap bal cang i rallokap lei in a thi mi hna cu caw leng , Thawlakyi hna in an phorh hna tiah theih a si.

 

The Chin Post

 

 

Be the first to comment

Leave a Reply

Your email address will not be published.


*