PDF Nih Rallokap Minung Ceilak An Thah Hna Hliamhma Pu Zong An Tam

Kani Peng I Kahnak Ah Ralhrang Rallokap 8 An Thi 11 Hliam, Sagaing ramthen Kani pengahn June 9 ah Meng 35 le 36 kar ralhrang rallokap le mipi ralkap PDF kar ah i kahnak a chuak. Hi i kahnak ahhin ralhrang rallokap lei in 8 an thi i 11 hliam an si i PDF lei in hliammi le nunnak liammi an um lo tiah theih asi.

Kani peng ah dai ten a ummi mipi hna cu ralhrang nih ningcang lo in tlaih,tuk velh,thahnawn nak a um rih. Cu hlei ah Kani peng ah a cangmi i kahnak ah ralhrang lei in hliammi le a thimi an tam tiah theih a si. The Chin Post

thawngpang dang relchap : A Poi Kho Taktak Chinram Thongtla An Tum Velh Hna Pin Ah Ti Rawl An Pe Duh Ti Hna Loh

Chin ram Mindat ah mipi ralkap le ralhrangbu kar kahdohnak thla 1 chungah ralhrangbu nih mipi an tlaih mi 20 renglo Mindat thonginn ah an chiah mi hna cu an hrem hna, eidin zong tha tein an pe hna lo tiah RFA nih a chim.

Palek sakhan ah thong a tla lio mi 20 leng an um. Ei ding kan ngei ti lo, rawl zong an kan pe lo, Ti lawng kan dinnak ni 2 a si cang an ti. Palek pawl zong nih zeihmanh an rel hna lo. Ei le din an herh tiah RFA nih a langhter.

April 24 in June 8 tiang Mindat-CDF le ralhrangbu kar i kahnak ah CDF-Mindat lei nunnak a liam mi 22 an si cang. June 8 tiang i kahnak a um peng rih. Mipi a thi mi le hliamhma a pu mi zong an um. Ralhrangbu nih khuachung le mipi zong zei rello in cunglei le vulei in meithal ngan, bomb he an kah caah himnak kawl in a zaam minung 1000 leng an si cang tiah theih a si. Cheukhat nih Mindat khuanchungah ni fatin kan herh mi facang, chiti, cite tbk a cat ding dirhmun ah kan dir cang tiah theih a si. Ref; RFA

Be the first to comment

Leave a Reply

Your email address will not be published.


*