Police Pa Hi Pasal Tha Bak A Si :Mindat CDF Lei In Ralhrang A Kaap Tu Police Pa Nih Ram Caah A Nunnak A Pek

Tuchun June 4 i Chinram Mindat kahdohnak ah CDM ah a lut i mipi aiawh in kawl ralhrang a doh cuahmah mi police pakhat cu ram le miphun caah a nunnak a pek ve cang tiah thawngpang theih a si. Mindat peng Chin-Magwe ramri Shwe Aung Ta khua cu kawl ralhrang hna nih ralkap thazaang tampi he an kahdoh hna caah tuchun June 4 zinglei khan kahdoh nak fak ngaiin a chuak cang tiah khuami nih an chim ning a si.

“A nih hi CDM ah a lut ve cang mi a si i Mindat peng kahdoh nak ah hin biatak tein CDF pawl he kawl ralhrang a doh ve cuahmah mi a si. Cun hi kawl ralhrang kahdoh nak zong ah hin CDF pawl a thihruai tu hna a si i zeitin dah kan ral kan doh hna lai i kan tei hna lai tiin biatak chuah in a cawlcang mi zong a si” tiah Mindat mipi hruaitu hna nih police pa thimi konglam cu faing tein an rak chim ve.

Tuchun ah a nunnak a liam mi hi CDM vuanthan Salai Chwe Ling@ Sawng Lin a si i tuzing tuannawn ah khan Kawl ralhrang nih sniper nih an rak kah mi a si ko nain chunhnu tiangah khan a ruak hmanh hi fawi tein kan la kho rih lo tiah an chim.

Cun tuchun Mindat lei kahdoh nak ah hin Kawl ralhrang lei nih biatak tein an kahdoh hna i an ralkap thazaang zong tam ngai an rak chap tiah thawngpang theih a si. Kawl ralhrang pawl nih miakpi le bomb ngan mi pawl he faktuk in CDF-Mindat pawl cu an kahdoh hna ruang ah CDF-Mindat lei zongin a thi mi pakhat le hliamtuar pakhat an umnak hi a si tiah thawngpang theih a si.Ref: Zalen. Duhnungpar

Thawngpang dang : Good News : Dotphungyang I Kahnak Ah Ralhrangbu A Thi Mi An Tam

June 3 zinglei suimilam 10 hrawngah Bhamo lam Namlang khua in Dotphungyang lei a rak kai mi ralhrangbu 150 hrawng cu Dothungyang phak lai Uthangyang khua pawng ah KIA nih an kah hna i ralhrangbu 20 leng an thi tiah theih a si. Hliamhma pu mi zong an um. An thihnak hmun ah an phum hna. Zanlei Suimilam 5 hrawngah an kir tiah khuami pakhat nih a chim.

Nizaan KIA nih an kah hna nak ah meithal tam ngai an lak. Nihin zong hi lam thiamthiam in ralhrangbu 100 hrawng an rak kai than tiah theih a si. Dotphungyang hi Alaw Bum tlang hram ah a um mi a si. Mahka hrawngah ralhrangbu 800 leng an um tiah theih a si. Ref; KNG. The Chin Post

Be the first to comment

Leave a Reply

Your email address will not be published.


*