Potaoo peng Lusiayian pawng ah ralhrang rualcu KIA nih lampi in an bawh hna i an kah hna

Potaoo peng Lusiayian pawng ah ralhrang rualcu KIA nih lampi in an bawh hna i an kah hna. Kachin ramkulh chaklei Potaoo peng Lusiayian khua pawngah a rak ra mi ralhrang rualcu KIA Brigade 1 Batalion 7 nih tuzing suimilam 8 ah lam in an bawh hna i an kahhna tiah theih a si.

KIA nih timhcia in an kahhna i ralhrang lei in tampi hliampu le a thimi an um. Ralhrang lei an thih zet fiangin chimfian khawh a si rih lo. 7stars News. The Chin Post

thawngpang dang : PPST Nih Ralhrang Khawngsil He Biaruah An I Timhnak Biathli A Puang Ai
==================
NCA ah hnatlaknak min a thumi tlangcung hriamtlaibu 10 hna nih dirhmi Peace Process Steering Team nih ralhrang khawngsil he biaruah an i timhnak biathli a puang tiah theih a si.
Cu biathli cu PPST nih May 28 ah ralhrang khawngsil nih a sermi remdaihnak tuahtu bu hotu Bochohci Ya Pyih sinah an tialmi a si. NCA kongkau ti a si.

Ralhrang khawngsil remdaihnak tuahtu bu hotu aiawh in Bochohci Min Nawng nih minthut in May 19 ah a kan kuatmi ca kan hmuh, SAC nih NCA hnatlaknak kan cohlan lai nan ti caah kan i lawm, tiin bia an thok.

An ca chungah cun atu lio a cang cuahmahmi ramchung buainak hi SAC ca zongah siseh, tlangcung hriamtlaibu hna caah siseh, ramkhel party le mip ca zongah siseh, aho ca hmanh ah hlawknak a um lonak le ramkhel boaruak a daih deuh poah ah a that chinchin nak kong an tial.

Myanmar buainak ruangah ram cheukhat nih timhmi ngei tein an i thlakmi an duhlonak le an i thlakmi khamnak dingah cun kanmah he kutlaih in a tuan khotu ding rammi hna kha zulhphung le rikhiahmi chungin sawmnak tuah i tuanti kha a tha bikmi a si tiah PPST nih an ruahnak an tialchih fawn.

Cu ruangah SAC le PPST cu a rannak in i ton i biaruahnak ngeih ding le PPST nih cathanh chuah an i timhnak kong zong an ca chungah cun an tial. Hi ca hi mipi nih tuahmi Spring Revolution zeirello, hnuchit a si tiah min chim a duh lomi tlangcung hriamtlaibu hruaitu pakhat nih a chim. Hi ca hi zeibantuk bu le aho hruainak in tial a si ti an langhter lo i PPST ah aa telmi hriamtlaibu 10, an dihlak lungtlin in an tialmi maw a si ti zong theih a si rih lo. The Chin Post

Be the first to comment

Leave a Reply

Your email address will not be published.


*